കൊച്ചി: ഇടപ്പളളിയില്‍ ബൈക്ക് മോഷ്ടാവിന്റെ കുത്തേറ്റ് എഎസ്ഐയെ ആശുപത്രിയിൽ പ്രവേശിപ്പിച്ചു. എളമക്കര പൊലീസ് സ്‌റ്റേഷനിലെ ഗ്രേഡ് എഎസ്‌ഐ ഗിരീഷ് കുമാറിനാണ് കൈക്ക് കുത്തേറ്റത്. സംഭവുമായി ബന്ധപ്പെട്ട കേസിൽ കളമശേരി എച്ച്എംടി കോളനിയിലെ ബിച്ചുവിനെ പൊലീസ് അറസ്റ്റ് ചെയ്തിട്ടുണ്ട്.
ഇടപ്പള്ളി മെട്രോ സ്‌റ്റേഷനു സമീപം പുലര്‍ച്ചെ ഒന്നരയ്ക്കാണ് കേസിനാസ്പദമായ സംഭവം. നൈറ്റ് പട്രോളിംഗിനിടെ കളമശേരിയില്‍ നിന്ന് കവര്‍ന്ന ബൈക്ക് പിടികൂടുമ്പോഴാണ് പ്രതി ആക്രമിച്ചത്.
Read Also : മദർ തെരേസയെ വിശുദ്ധയാക്കിയത് നുണയുടെ അടിസ്ഥാനത്തിൽ, സേവനത്തിന്‍റെ പേരില്‍ മതപരിവര്‍ത്തനം: പാഞ്ചജന്യ
കുത്തേറ്റ എഎസ്ഐയെ കൊച്ചിയിലെ സ്വകാര്യ ആശുപത്രിയിൽ പ്രവേശിപ്പിച്ചു. പരിക്ക് ഗുരുതരമല്ലെന്ന് ആശുപത്രി അധികൃതർ അറിയിച്ചു.
എഎസ്ഐയെ കുത്തിയ ശേഷം രക്ഷപ്പെടാന്‍ ശ്രമിച്ച ബിച്ചുവിനെ പൊലീസ് ഓടിച്ചിട്ടാണ് പിടികൂടിയത്. ഇയാളെ ഇന്നു കോടതിയില്‍ ഹാജരാക്കി.
Post Your Comments