ജൊഹന്നാസ്ബർഗിൽ തകർന്നടിഞ്ഞ് ഇന്ത്യ

ജൊഹന്നാസ്ബർഗ്: ദക്ഷിണാഫ്രിക്കയ്ക്കെതിരായ രണ്ടാം ടെസ്റ്റില്‍ ടോസ് നേടി ബാറ്റിംഗ് ആരംഭിച്ച ഇന്ത്യ 202 റണ്‍സിന് ഓള്‍ഔട്ട്. നാല് വിക്കറ്റ് വീഴ്ത്തിയ മാര്‍ക്കോ ജാന്‍സണാണ് ഇന്ത്യയുടെ അന്തകനായത്. അര്‍ദ്ധ സെഞ്ച്വറി നേടിയ നായകന്‍ കെഎല്‍ രാഹുലാണ് ഇന്ത്യയുടെ ടോപ് സ്‌കോറര്‍.

രാഹുല്‍ 133 ബോളില്‍ 9 ഫോറിന്റെ അകമ്പടിയില്‍ 50 റണ്‍സെടുത്തു. സ്പിന്നര്‍ ആര്‍ അശ്വിനും മികച്ച ഇന്നിംഗ്‌സ് കാഴ്ചവെച്ചു. ഏകദിന ശൈലിയില്‍ ബാറ്റ് വീശിയ അശ്വിന്‍ 50 ബോളില്‍ ആറ് ഫോറിന്റെ അകമ്പടിയില്‍ 46 റണ്‍സെടുത്തു.

Read Also:- ഈ മോശം പ്രഭാത ശീലങ്ങളെ പിന്തുടരരുത്..!!

മായങ്ക് അഗര്‍വാള്‍ 26, പൂജാര 3, രഹാനെ 0, ഹനുമ വിഹാരി 20, ഋഷഭ് പന്ത് 17, ശര്‍ദുല്‍ താക്കൂര്‍ 0, ഷമി 9, സിറാജ് 1 എന്നിങ്ങനെയാണ് മറ്റുള്ള വരുടെ പ്രകടനം. ബുംറ 11 ബോളില്‍ 1 സിക്സും 2 ഫോറും നേടി 14 റണ്‍സെടുത്ത് പുറത്താകാതെ നിന്നു. ദക്ഷിണാഫ്രിക്കയ്ക്കായി ജാന്‍സണ്‍ നാല് വിക്കറ്റ് വീഴ്ത്തിയപ്പോള്‍ റബാഡ, ഒലിവിയര്‍ എന്നിവര്‍ മൂന്ന് വിക്കറ്റ് വീതം വീഴ്ത്തി. മറുപടി ബാറ്റിംഗിനിറങ്ങിയ ദക്ഷിണാഫ്രിക്ക ഒരു വിക്കറ്റ് നഷ്ടത്തിൽ 35 റൺസ് എന്ന നിലയിലാണ്.