ബ​സു​ക​ളു​ടെ അമിതവേഗത ചോദ്യംചെയ്തു : ബൈ​ക്ക്​ യാ​ത്രി​ക​നെ സ്വ​കാ​ര്യ ബ​സ്​ ഇ​ടി​ച്ചു​തെ​റി​പ്പി​ച്ചതാ​യി പ​രാ​തി

കോ​ഴി​ക്കോ​ട്​: ദീ​ർ​ഘ​ദൂ​ര ബ​സു​ക​ളു​ടെ അ​മി​ത വേ​ഗ​ത ചോ​ദ്യം​ചെ​യ്ത ബൈ​ക്ക്​ യാ​ത്രി​ക​നെ സ്വ​കാ​ര്യ ബ​സ്​ ഇ​ടി​ച്ചു​തെ​റി​പ്പി​ച്ച്​ നി​ർ​ത്താ​തെ ​പോ​യ​താ​യി പ​രാ​തി. ഇ​രു​കാ​ലു​ക​ൾ​ക്കും ഗു​രു​ത​ര പ​രി​ക്കേ​റ്റ്​ റോ​ഡി​ൽ കി​ട​ന്ന യാ​ത്രി​ക​​നെ കാ​ൽ​ന​ട​ക്കാ​ർ വി​വ​ര​മ​റി​യി​ച്ച​തി​നെ തു​ട​ർ​ന്ന്​ പൊ​ലീ​സ്​ ആം​ബു​ല​ൻ​സി​ലാ​ണ്​ ആ​ശു​പ​ത്രി​യി​ലെ​ത്തി​ച്ച​ത്.

തി​ങ്ക​ളാ​ഴ്ച ഉ​ച്ചകഴിഞ്ഞ് മാ​വൂ​ർ റോ​ഡി​​ലാ​ണ്​ സം​ഭ​വം. ബൈ​ക്കി​ൽ പോ​വു​ക​യാ​യി​രു​ന്ന ന​ട​ക്കാ​വ്​ സ്വ​ദേ​ശി ക​ണ്ണ​ങ്ക​ട​വ​ത്ത്​ അ​ഷ്​​റ​ഫി​നെ​യാ​ണ്​ ബ​സി​ടി​ച്ച്​ തെ​റി​പ്പി​ച്ച​ത്. ഒ​പ്പ​മു​ണ്ടാ​യി​രു​ന്ന മ​ക​ൻ ആ​ദി​ലി​നും പ​രി​ക്കു​ണ്ട്. കോ​ഴി​ക്കോ​ട്​ -ക​ണ്ണൂ​ർ റൂ​ട്ടി​ൽ സ​ർ​വി​സ്​ ന​ട​ത്തു​ന്ന കെ.​എ​ൽ -58 ജി 3069 ​ന​മ്പ​ർ ‘ഫെ​റാ​രി’ ബ​സാ​ണ്​​ ഇ​ടി​ച്ചു തെ​റി​പ്പി​ച്ച​തെ​ന്ന്​ അ​ഷ്​​റ​ഫ്​ പ​റ​ഞ്ഞു. ​

Read Also : ക​ർ​ഫ്യൂവിനിടെ മ​ത്സ്യ​ത്തൊ​ഴി​ലാ​ളി​യാ​യ യു​വാ​വി​നെ പൊ​ലീ​സ് ക്രൂ​രമായി ​മ​ർ​ദ്ദിച്ചെന്ന്​ പ​രാ​തി

അ​മി​ത വേ​ഗ​ത​യി​ൽ വ​ന്ന ബ​സി​ലെ ഡ്രൈ​വ​റോ​ട്​​ മെ​ല്ലെ പോ​യാ​ൽ പോ​രേ​യെ​ന്ന്​ മാ​വൂ​ർ റോ​ഡി​ലെ ബ​സ്​ സ്​​റ്റോ​പ്പി​ന​ടു​ത്തു​നി​ന്ന്​ അ​ഷ്​​റ​ഫ്​ പ​റ​ഞ്ഞി​രു​ന്നു. ഇ​തോ​​ടെ ബ​സി​ലെ ക്ലീ​ന​ർ അ​ഷ്​​റ​ഫി​നെ ഭീ​ഷ​ണി​പ്പെ​ടു​ത്തി.

തു​ട​ർ​ന്ന്​ കെ.​എ​സ്.​ആ​ർ.​ടി.​സി ബ​സ്​ ​ടെ​ർ​മി​ന​ലി​നു സ​മീ​പ​ത്തു​ നി​ന്ന്​ മ​നഃ​പൂ​ർ​വം ബൈ​ക്കി​നു ​പി​ന്നി​ൽ ഇ​ടി​ക്കു​ക​യും നി​ർ​ത്താ​തെ പോ​വു​ക​യു​മാ​യി​രു​ന്നു​വെന്നും പരാതിയിൽ പറയുന്നു. അ​ഷ്​​റ​ഫി​ന്‍റെ കാ​ലി​ന്​ പൊ​ട്ട​ലു​ണ്ട്. മ​ക​ൻ ആ​ദി​ലി​ന്‍റെ കാ​ൽ​വി​ര​ലു​ക​ൾ​ക്കാ​ണ്​ പ​രി​ക്കേ​റ്റ​ത്. ഇ​രു​വ​രും മെ​ഡി​ക്ക​ൽ കോ​ള​ജ്​ ആ​ശു​പ​ത്രി​യി​ൽ ചി​കി​ത്സ​യി​ലാ​ണ്. ബ​സി​നെ​തി​രെ ന​ട​പ​ടി​യാ​വ​ശ്യ​പ്പെ​ട്ട്​ ന​ട​ക്കാ​വ്​ പൊ​ലീ​സി​ൽ അഷറഫ് പ​രാ​തി ന​ൽ​കി.