കോതമംഗലം: പൊലീസ് ഉദ്യോഗസ്ഥനെ ആക്രമിച്ച കേസിൽ യുവാവ് പിടിയിൽ. പോത്താനിക്കാട് കല്ലട പൂതപ്പാറ ഭാഗത്ത് ജന്മിയാംകുളം വീട്ടിൽ അരവിന്ദ് ഗോപിയെയാണ് (23) പൊലീസ് അറസ്റ്റ് ചെയ്തത്. പോത്താനിക്കാട് പൊലീസ് ആണ് പ്രതിയെ പിടികൂടിയത്.
പോത്താനിക്കാട് ഫാർമേഴ്‌സ് സഹകരണ ബാങ്കിലേക്ക് കഴിഞ്ഞ 19-ന് നടന്ന തെരഞ്ഞെടുപ്പിനിടയിൽ യൂത്ത് കോൺഗ്രസ്‌ ജില്ല ജനറൽ സെക്രട്ടറി ഷാൻ മുഹമ്മദിനെ ആക്രമിച്ചത് തടയാന്‍ ശ്രമിച്ച വാഴക്കുളം സ്റ്റേഷനിലെ ഉദ്യോഗസ്ഥനെയാണ് ഇയാൾ ആക്രമിച്ചത്.
ഇൻസ്പെക്ടർ നോബിൾ മാനുവൽ, എസ്.സി.പി.ഒ അജീഷ് കുട്ടപ്പൻ, സി.പി.ഒ ജീസൺ എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്. പ്രതിയെ കോടതിയിൽ ഹാജരാക്കി.
Post Your Comments