അജ്മാൻ: വീട്ടുജോലിക്കാർക്കും തൊഴിലാളികൾക്കും അഭിനന്ദനം അറിയിച്ച് അജ്മാൻ പോലീസ്. സ്വന്തം ജോലി കൃത്യമായും ആത്മാർത്ഥതയോടെയും ചെയ്യാനുള്ള തൊഴിലാളികളുടെ ശ്രമങ്ങളെയാണ് അജ്മാൻ പോലീസ് അഭിനന്ദിച്ചത്. ഇതിനായി ഒരു പ്രത്യേക പരിപാടിയും അജ്മാൻ പോലീസ് സംഘടിപ്പിച്ചിരുന്നു.
സാമൂഹിക പ്രതിബദ്ധത എന്ന ലക്ഷ്യം കൈവരിക്കാനുള്ള പോലീസിന്റെ ശ്രമത്തിന്റെ ഭാഗമായാണ് നടപടി. തൊഴിൽ മേഖലയിലെ ജീവനക്കാർക്കുള്ള അജ്മാൻ പോലീസിന്റെ അഭിനന്ദനവും പിന്തുണയുമാണ് ഈ പരിപാടി സംഘടിപ്പിക്കുന്നതെന്ന് അജ്മാൻ പോലീസിലെ മീഡിയ ആന്റ് പബ്ലിക് റിലേഷൻസ് വിഭാഗം മേധാവി മേജർ നൂറ സുൽത്താൻ അൽ ഷംസി അറിയിച്ചു. വീട്ടുജോലിക്കാരെയും തൊഴിലാളികളെയും അജ്മാനിലെ ഒരു പൈതൃക കേന്ദ്രത്തിൽ വിനോദയാത്രയ്ക്ക് കൊണ്ടുപോയി ഉച്ചഭക്ഷണവും സമ്മാനങ്ങളും നൽകുകയും ചെയ്തു.
Post Your Comments