കൊല്ലം: മദ്യം നൽകാത്തതിന്‍റെ പേരിൽ കൊല്ലത്ത് യുവാവിന് നേരെ ആസിഡ് ആക്രമണം. കൊല്ലം കോട്ടുക്കൽ സ്വദേശി വിപിനാണ് ആസിഡ് ആക്രമണത്തിനിരയായത്. സംഭവത്തിൽ യുവാവിന്‍റെ കണ്ണിന് ഗുരുതര പൊള്ളലേറ്റു.
വിപിനും മറ്റൊരു സുഹൃത്തും കൂടി ഒഴിഞ്ഞ സ്ഥലത്തിരുന്നു മദ്യപിക്കുകയായിരുന്നു. ഈ സമയം അതുവഴി വന്ന കോട്ടുക്കൽ ഉദയകുമാർ എന്ന യുവാവ് തനിക്കും മദ്യം വേണമെന്ന് ആവശ്യപ്പെട്ടു. എന്നാൽ മദ്യം നൽകാൻ വിപിനും സുഹൃത്തും തയാറായില്ല. തുടർന്ന് വീട്ടിലേക്ക് തിരിച്ചുപോയ ടാപ്പിംഗ് തൊഴിലാളിയായ ഉദയകുമാർ ഒരു ചെറിയ കുപ്പിയിൽ ആസിഡുമായി തിരിച്ചു വരികയും കൈയിലുണ്ടായിരുന്ന ആസിഡ് വിപിന്‍റെ മുഖത്ത് ഒഴിക്കുകയുമായിരുന്നു.
Read Also : ആക്രമണം തടയാന്‍ ശ്രമിച്ച വനിതാ ട്രാഫിക് വാര്‍ഡനെ ബൈക്കിടിപ്പിച്ച് പരിക്കേല്‍പ്പിച്ചയാള്‍ അറസ്റ്റില്‍
ആക്രമണത്തിൽ പരിക്കേറ്റ വിപിന്‍ തിരുവനന്തപുരം മെഡിക്കൽ കോളജ് ആശുപത്രിയില്‍ ചികിത്സയിലാണ്. ഒരു കണ്ണിന്‍റെ പരിക്ക് ഗുരുതരമാണെന്ന് ഡോക്ടര്‍മാര്‍ പറഞ്ഞു.
അതേസമയം സംഭവത്തിന് ശേഷം ഒളിവിൽ പോയ ഉദയനെ പൊലീസ് അറസ്റ്റ് ചെയ്ത് കോടതിയിൽ ഹാജരാക്കി.
Post Your Comments