ഫിറോസാബാദ് : രാജ്യത്തെ സ്ഥലങ്ങളുടെ പേരുമാറ്റുന്ന ഒരുതരം രോഗം ബാധിച്ചിരിക്കുകയാണ് യോഗി ആദിത്യനാഥിനും ബിജെപിക്കുമെന്ന് അസദുദ്ദീന്‍ ഒവൈസി. ആൾ ഇന്ത്യ മജിലിസ് ഇ ഇത്തഹുദ്ദൂൾ മുസ്‌ലീമിൻ സംഘടനാ നേതാവ് തെരഞ്ഞെടുപ്പ് പ്രചാരണ റാലിയിൽ സംസാരിക്കുകയായിരുന്നു അദ്ദേഹം.
‘ഫിറോസാബാദ് ജില്ലയിൽ ഇരുന്നൂറിനടുത്ത് കുട്ടികൾ പനി ബാധിച്ച് മരിച്ചുവെന്നാണ് വാർത്തകൾ. അതിനെക്കുറിച്ച് മുഖ്യമന്ത്രിയോട് പരാതി പറഞ്ഞാൽ ആ സ്ഥലത്തിന്റെ പേര് കാരണമാണ് കുട്ടികൾ മരിക്കുന്നതെന്ന് പോലും പറഞ്ഞുകളയും. ഇത് ഒരു തരം രോഗമാണ്. രാജ്യത്തെ പല ഭാഗത്തും ബിജെപിക്ക് സ്ഥലപ്പേരുകൾ മാറ്റുന്ന ഇത്തരം രോഗമുണ്ട്’- ഒവൈസി പറഞ്ഞു.
Read Also : യുവാവിനെ കുത്തിക്കൊലപ്പെടുത്തിയ കേസ് : യുവാവിന് ജീവപര്യന്തം കഠിനതടവ്
അസദുദ്ദീൻ ഒവൈസിയുടെ പാർട്ടി ശ്രദ്ധ കേന്ദ്രീകരിക്കുന്ന ഹൈദരാബാദിന്റെ പേര് ഭാഗ്യനഗർ എന്നാക്കി മാറ്റുമെന്ന് ബിജെപി നേരത്തെ പ്രഖ്യാപിച്ചിരുന്നു. ഇത് കൂടാതെ സെക്കന്തരാബാദ്, നിസാമാബാദ്, കരീംനഗർ തുടങ്ങിയ സ്ഥലങ്ങളുടെയും പേരുകൾ മാറ്റണമെന്ന് ആവശ്യം ഉയരുന്നുണ്ട്. ഈ സാഹചര്യത്തിലാണ് ഒവൈസി ഇത്തരത്തിലൊരു പ്രതികരണം നടത്തിയത്.
Post Your Comments