മുഖ്യമന്ത്രിയുടെ പൈലറ്റ് വാഹനംഅപകടത്തിൽപ്പെട്ടു; പോലീസുകാർക്ക് പരുക്ക്

കളമശേരി∙ മുഖ്യമന്ത്രി പിണറായി വിജയന്റെ പൈലറ്റ് വാഹനം അപകടത്തിൽപ്പെട്ടു. കളമശേരി അപ്പോളോ ജംക്ഷനിൽവെച്ച് നടന്ന അപകടത്തിൽ ജീപ്പിലുണ്ടായിരുന്ന പോലീസുകാർക്ക് പരുക്കേറ്റു. ഇൻഫോപാർക്ക് സിഐ അടക്കം 4 പേർക്കാണ് പരുക്കേറ്റത്. പരുക്കേറ്റവരെ രാജഗിരി ആശുപത്രിയിൽ പ്രവേശിപ്പിച്ചു.

വ്യാഴാഴ്ച വൈകിട്ട് 5.30 ഓടെയാണ് അപകടം. മുന്നിൽ പോയ ബൈക്ക് യാത്രികൻ അപ്രതീക്ഷതമായി വെട്ടിച്ചതാണ് അപകടത്തിന് കാരണമെന്നാണ് ലഭ്യമായ വ്യവരം. ബൈക്ക് യാത്രികനെ പോലീസ് തിരയുന്നുണ്ട്.