വീട്ടമ്മയെ കഴുത്തില്‍ ഷാള്‍ കുരുക്കി കൊന്നു : സ​ഹോ​ദ​രീ ഭ​ര്‍ത്താ​വ് പിടിയിൽ

കു​ണ്ട​റ: വീ​ട്ട​മ്മ​യെ ക​ഴു​ത്തി​ല്‍ ഷാ​ള്‍ മു​റു​ക്കി കൊ​ല​പ്പെ​ടു​ത്തിയ സംഭവത്തിൽ സഹോദരീ ഭർത്താവ് അറസ്റ്റിൽ. പേ​ര​യം മ​മ​ത ന​ഗ​ര്‍ ഷി​ബ ഭ​വ​നി​ല്‍ രാ​ധി​ക (52)യെ ആണ് കൊലപ്പെടുത്തിയത്. സം​ഭ​വ​വു​മാ​യി ബ​ന്ധ​പ്പെ​ട്ട് രാ​ധി​ക​യു​ടെ സ​ഹോ​ദ​രീ ഭ​ര്‍ത്താ​വ് ലാ​ല്‍കു​മാ​റി​നെ (50) പൊ​ലീ​സ് അ​റ​സ്​​റ്റ്​ ചെ​യ്തു

ശ​നി​യാ​ഴ്ച വൈ​കീ​ട്ട് 6.30നാ​യി​രു​ന്നു സം​ഭ​വം. ആ​ദ്യ വി​വാ​ഹ​ബ​ന്ധം വേ​ർ​പെ​ടു​ത്തി​യ രാ​ധി​ക ക​ഴി​ഞ്ഞ തി​ങ്ക​ളാ​ഴ്ച അ​യ​ല്‍വാ​സി​യാ​യ പ്ര​വീ​ണ്‍കു​മാ​റി​നെ വി​വാ​ഹം ക​ഴി​ച്ച​തിന്റെ പേ​രി​ല്‍ രാ​ധി​ക​യു​ടെ വീ​ട്ടു​കാ​രും പ്ര​വീ​ണ്‍കു​മാ​റു​മാ​യി അ​സ്വാ​ര​സ്യ​ങ്ങ​ളു​ണ്ടാ​യി​രു​ന്നു. തുടർന്ന് വി​വാ​ഹ​ദി​വ​സം ത​ര്‍ക്ക​മു​ണ്ടാ​യി രാ​ധി​ക​യു​ടെ സ​ഹോ​ദ​രി ഷീ​ബ​യെ പ്ര​വീ​ൺ മ​ര്‍ദി​ച്ചു. ഷീ​ബ​ ന​ല്‍കി​യ പ​രാ​തി​യു​ടെ അ​ടി​സ്ഥാ​ന​ത്തി​ല്‍ പ്ര​വീ​ണ്‍കു​മാ​റി​നെ കു​ണ്ട​റ പൊ​ലീ​സ് അ​റ​സ്​​റ്റ്​ ചെ​യ്ത് റി​മാ​ൻ​ഡ്​ ചെ​യ്​​തു.

Read Also : കെ.​എ​സ്.​ആ​ര്‍.​ടി.​സി ബ​സി​ല്‍ മോ​ഷ​ണം ന​ട​ത്തി​യ നാ​ടോ​ടി സ്ത്രീ​ക​ള്‍ പിടിയിൽ‌

രാ​ധി​ക​യു​ടെ പേ​രി​ലു​ള്ള വീ​ട്ടി​ലാ​ണ് സ​ഹോ​ദ​രി​യും ഭ​ര്‍ത്താ​വും കു​ട്ടി​യും താ​മ​സി​ച്ചി​രു​ന്ന​ത്. ശ​നി​യാ​ഴ്ച ഷീ​ബ​യും ഭ​ര്‍ത്താ​വും വീ​ട്ടി​ല്‍ നി​ന്ന് ഇ​റ​ങ്ങ​ണ​മെ​ന്ന് രാ​ധി​ക ആ​വ​ശ്യ​പ്പെ​ട്ടിരുന്നു. ഇ​തിന്റെ വി​രോ​ധ​മാ​ണ്​ വീ​ട്ടി​ല്‍ ആ​ളി​ല്ലാ​തി​രു​ന്ന സ​മ​യ​ത്ത് രാ​ധി​ക​യെ കൊ​ല​പ്പെ​ടു​ത്താ​ന്‍ കാ​ര​ണ​മെ​ന്നാ​ണ് പൊ​ലീ​സിന്റെ പ്രാ​ഥ​മി​ക നി​ഗ​മ​നം. പ്രതിയെ കോടതിയിൽ ഹാജരാക്കി.