മാ​താ​പി​താ​ക്ക​ൾ​ക്കൊ​പ്പം ബൈ​ക്കി​ല്‍ സ​ഞ്ച​രി​ക്കവെ ബ​സ് ക​യ​റി നാ​ലു​വ​യ​സ്സു​കാ​ര​ന് ദാ​രു​ണാ​ന്ത്യം

തി​രു​വ​ന​ന്ത​പു​രം: മാ​താ​പി​താ​ക്ക​ൾ​ക്കൊ​പ്പം ബൈ​ക്കി​ല്‍ സ​ഞ്ച​രി​ച്ച നാലുവയസ്സുകാരൻ ബസ് കയറി മരിച്ചു. ക​ര​കു​ളം കാ​ച്ചാ​ണി കു​ന്നൂ​ർ​ശാ​ല വാ​രി​ക്കോ​ണ​ത്ത് ശ്രീ​ഹ​രി​യി​ല്‍ ബി​ജു​കു​മാ​റിന്റെയും സ​ജി​ത​യു​ടെ ഏ​ക​മ​ക​ന്‍ ശ്രീ​ഹ​രി​യാ​ണ് മ​രി​ച്ച​ത്.

ശ​നി​യാ​ഴ്ച വൈ​കീ​ട്ട് 6.30 ഓ​ടെയാണ് ദാരുണ സംഭവമുണ്ടായത്. പാ​ള​യം-​ബേ​ക്ക​റി റോ​ഡി​ൽ വെച്ച്​ മാ​താ​പി​താ​ക്ക​ളു​ടെ ക​ൺ​മു​ന്നി​ലാ​ണ്​ അ​പ​ക​ടം നടന്നത്. ഇ​വ​ര്‍ സ​ഞ്ച​രി​ക്കു​ക​യാ​യി​രു​ന്ന ബൈ​ക്കി​ല്‍ ത​മ്പാ​നൂ​ര്‍ ഭാ​ഗ​ത്തേ​ക്ക് പോ​യ കെ.​എ​സ്.​ആ​ര്‍.​ടി.​സി ബ​സ് ഇ​ടി​ക്കു​ക​യാ​യി​രു​ന്നു. തുടർന്ന് ഇടിയുടെ ആഘാതത്തിൽ ബൈ​ക്കി​ന് മു​ന്നി​ലി​രു​ന്ന ശ്രീ​ഹ​രി തെ​റി​ച്ച് ബ​സി​ന​ടി​യി​ല്‍പെടുകയായിരുന്നു.

Read Also : മുസ്ലിം സംഘടനകളെ ചൊടിപ്പിച്ച് വഖഫ് നിയമനം സർക്കാരിലേക്ക്: മത സംഘടനകളുടെ ബലം ക്ഷയിപ്പിച്ച് പിണറായി സർക്കാർ

തലയിലൂടെ ട​യ​റു​ക​ള്‍ കയറിയിറങ്ങിയ കുഞ്ഞ് ത​ല്‍ക്ഷ​ണം മ​രി​ച്ചു. കു​ഞ്ഞ് അ​പ​ക​ട​ത്തി​ല്‍പെ​ട്ട​ത്​ ക​ണ്ട് അ​മ്മ സ​ജി​ത കു​ഴ​ഞ്ഞു​വീ​ണു. നേ​രി​യ പ​രി​ക്കേ​റ്റ ഇ​വ​രെ​യും കു​ഞ്ഞി​നെ​യും നാട്ടുകാർ ഉ​ട​ന്‍ത​ന്നെ എ​സ്.​എ.​ടി ആ​ശു​പ്ര​തി​യി​ല്‍ പ്രവേശിപ്പിച്ചു.

ബ​ന്ധു​വിന്റെ ക​ല്യാ​ണ​ത്തി​നായി പാ​ള​യ​ത്തെ ഓ​ഡി​റ്റോ​റി​യ​ത്തി​ലേക്ക് പോ​കും​വ​ഴി​യാ​യി​രു​ന്നു അ​പ​ക​ടമുണ്ടായത്. പെ​യി​ൻ​റി​ങ്​ പ​ണി​ക്കാ​ര​നാ​യ ബി​ജു​വി​നും സ​ജി​ത​ക്കും പ​ത്തു​വ​ര്‍ഷ​ത്തെ കാ​ത്തി​രി​പ്പി​നു​ശേ​ഷം ജ​നി​ച്ച കു​ഞ്ഞാ​യി​രു​ന്നു ശ്രീ​ഹ​രി.