കരുനാഗപ്പള്ളി: മാരക മയക്കുമരുന്നായ എം.ഡി.എം.എയുമായി യുവതി ഉള്‍പ്പെടെ നാലുപേര്‍ എക്സൈസ് പിടിയില്‍. ക്ലാപ്പന സ്വദേശിയായ യുവതി, മലപ്പുറം പെരിന്തല്‍മണ്ണ ഉച്ചാരക്കടവ് ആണിക്കല്ലിങ്ങല്‍ വീട്ടില്‍ എ.കെ. രജിത് (26), അങ്ങാടിപ്പുറം തറയില്‍ വീട്ടില്‍ നിഷാദ് (27), ചേരാറ്റുകുഴിയില്‍ കുഴിമാട്ടില്‍ കളത്തില്‍ വീട്ടില്‍ സല്‍മാന്‍ മുഹമ്മദ് (27) എന്നിവരാണ് അറസ്റ്റിലായത്.
മാരക മയക്കുമരുന്നായ 410 ഗ്രാം എം.ഡി.എം.എ(മിഥലിന്‍ ഡയോക്‌സി മെത്താഫിറ്റമിന്‍)യുമായാണ് ഇവര്‍ എക്സൈസ് പിടിയിലായത്. സംശയാസ്പദമായ രീതിയില്‍ ബീച്ചില്‍ കണ്ട സംഘത്തെ എക്സൈസ് പിടികൂടുകയായിരുന്നു.
പ്രിവൻറിവ് ഓഫിസര്‍ പി.എല്‍. വിജിലാലിന്റെ നേതൃത്വത്തില്‍ നടത്തിയ പരിശോധനയില്‍ പ്രിവൻറിവ് ഓഫിസര്‍ എസ്. ഉണ്ണികൃഷ്ണപിള്ള, സിവില്‍ എക്സൈസ് ഓഫിസര്‍മാരായ പി.വി. ഹരികൃഷ്ണന്‍, എസ്. കിഷോര്‍, രജിത് കെ. പിള്ള, വനിത സിവില്‍ എക്സൈസ് ഓഫിസര്‍മാരായ ജി. ട്രീസ, റാസ്മിയ, സീനിയര്‍ എക്സൈസ് ഡ്രൈവര്‍ മനാഫ് എന്നിവരടങ്ങിയ എക്സൈസ് സംഘമാണ് പരിശോധന നടത്തിയത്. അറസ്റ്റ് ചെയ്ത പ്രതിയെ കോടതിയിൽ ഹാജരാക്കിയ ശേഷം റിമാൻഡ് ചെയ്തു.
Post Your Comments