റിയാദ്: റെസ്റ്റോറന്റിന്റെ മേൽക്കുര തകർന്നു വീണ് അഞ്ചു പേർക്ക് പരിക്ക്. സൗദിയിലാണ് സംഭവം. സ്ത്രീകൾ ഉൾപ്പെടെയുള്ളവർക്കാണ് പരിക്കേറ്റത്. അൽകോബാറിലെ റെസ്റ്റോറന്റിലെ മേൽക്കൂരയാണ് ഉപഭോക്താക്കളുടെ മുകളിലേക്ക് തകർന്നു വീണത്. മുൻവശത്തെ മേൽക്കൂര തകർന്ന് ഉപഭോക്താക്കളുടെ മുകളിലേക്ക് വീഴുകയായിരുന്നു. അപകടത്തിൽ ഒരു കുട്ടിയ്ക്കും പരിക്കേറ്റിട്ടുണ്ട്.
Read Also: മന്ത്രവാദിയുടെ നിർദേശപ്രകാരം നരബലി: പിഞ്ചുകുഞ്ഞിനെ കൊലപ്പെടുത്തിയ യുവതി അറസ്റ്റിൽ
അപകടത്തിൽ പരിക്കേറ്റവരെല്ലാം സൗദി സ്വദേശികളാണെന്നാണ് വിവരം. ഇവരെ കിങ് ഫഹദ് യൂണിവേഴ്‌സിറ്റി ആശുപത്രിയിലാണ് ചികിത്സയിലേക്ക് പ്രവേശിപ്പിച്ചത്. പരിക്കേറ്റവരുടെ ആരോഗ്യനില തൃപ്തികരമാണെന്ന് അധികൃതർ അറിയിച്ചു. ഇവർക്ക് മികച്ച ചികിത്സ ഉറപ്പു നൽകിയിട്ടുണ്ടെന്ന് കിഴക്കൻ പ്രവിശ്യ ഗവർണർ സൗദ് ബിൻ നായിഫ് രാജകുമാരൻ വ്യക്തമാക്കി. അപകടത്തെക്കുറിച്ച് അന്വേഷിച്ച് റിപ്പോർട്ട് നൽകാൻ കിഴക്കൻ പ്രവിശ്യാ സിവിൽ ഡിഫൻസ് മേധാവിക്ക് അദ്ദേഹം നിർദേശം നൽകുകയും ചെയ്തിട്ടുണ്ട്.
Post Your Comments