തിരുവനന്തപുരം: സ്വര്‍ണക്കടത്തിനു പുറമെ തിരുവനന്തപുരം അന്താരാഷ്ട്ര വിമാനത്താവളത്തില്‍ വന്‍ കറന്‍സി കടത്ത്. ഏകദേശം 59,00,400 രൂപ മൂല്യമുള്ള കറന്‍സി പിടികൂടി. വിമാനത്താവളത്തിലെ കസ്റ്റംസ് എയര്‍ ഇന്റലിജന്‍സ് ആണ് പിടികൂടിയത്. ഷാര്‍ജിലേയ്ക്കുള്ള യാത്രക്കാരനില്‍ നിന്നാണ് കറന്‍സി പിടിച്ചെടുത്തത്. ഇയാളെ കസ്റ്റംസ് ചോദ്യം ചെയ്തുവരികയാണ്. കറന്‍സി കടത്തുന്നത് സംബന്ധിച്ച് കസ്റ്റംസിന് വിവരം ലഭിച്ചിരുന്നു. ഇതിന്റെ അടിസ്ഥാനത്തില്‍ നടത്തിയ പരിശോധനയിലാണ് കറന്‍സികള്‍ പിടികൂടിയത്.
ഷാര്‍ജയിലേയ്ക്ക് പണം കടത്താന്‍ ശ്രമിച്ചതിന് പിന്നില്‍ ആരെങ്കിലും പ്രവര്‍ത്തിക്കുന്നുണ്ടോ എന്നും കസ്റ്റംസ് അന്വേഷിക്കുന്നുണ്ട്. വിമാനത്താവളം വഴി സ്വര്‍ണ്ണക്കടത്തും മറ്റും പതിവായതോടെ കസ്റ്റംസ് കര്‍ശന പരിശോധന ഏര്‍പ്പെടുത്തിയിട്ടുണ്ട്.
Post Your Comments