ചാരുംമൂട്: എസ്.ഐയെയും സി.പി.ഒയെയും കൈയേറ്റം ചെയ്ത സംഭവത്തിൽ സഹോദരങ്ങൾ പൊലീസ് പിടിയിൽ. കോട്ടയം പായിപ്പാട് കോതപ്പാറ വീട്ടിൽ ഷാൻമോൻ (27), സഹോദരൻ സജിൻ റജീബ് (24) എന്നിവരെയാണ് പൊലീസ് പിടികൂടിയത്. നൂറനാട് പൊലീസ് ആണ് പ്രതികളെ അറസ്റ്റ് ചെയ്ത്.
ഫർണിച്ചർ ഇൻസ്റ്റാൾമെൻറ് നടത്തുന്നതാണ് പ്രതികളുടെ തൊഴിൽ. പണം വാങ്ങിയിട്ടും സാധനങ്ങൾ നൽകാതെ കബളിപ്പിച്ചെന്ന് ചുനക്കര സ്വദേശി അബ്ദുൽ റഹ്മാൻ പ്രതികൾക്കെതിരെ പരാതി നൽകിയിരുന്നു. ഇതിനെ തുടർന്ന് ഇരുവരെയും ബുധനാഴ്ച ഉച്ചക്ക് ഒന്നിന് സ്റ്റേഷനിൽ വിളിപ്പിച്ചിരുന്നു. സബ് ഇൻസ്പെക്ടറുടെ മുറിയിൽ പരാതി സംബന്ധിച്ച് ഇരുകക്ഷിയുമായി സംസാരിക്കുന്നതിനിടെയാണ് പ്രതികൾ കൈയേറ്റത്തിന് ശ്രമിച്ചതെന്ന് പൊലീസ് പറഞ്ഞു.
തടയാൻ ശ്രമിച്ച സി.പി.ഒയെയും ഇവർ കൈയേറ്റം ചെയ്തെന്നും പൊലീസ് വ്യക്തമാക്കി. മാവേലിക്കര കോടതിയിൽ ഹാജരാക്കിയ ഇവരെ റിമാൻഡ് ചെയ്തു.
Post Your Comments