റിയാദ്: റിയാദ് സീസൺ 2021-ന്റെ ഭാഗമായി സംഘടിപ്പിക്കപ്പെട്ട പരിപാടികൾ ഇതുവരെ സന്ദർശിക്കാനെത്തിയത് 4.5 ദശലക്ഷത്തിലധികം പേർ. 2021 ഒക്ടോബർ 20-നാണ് റിയാദ് സീസൺ 2021 ന് തുടക്കം കുറിച്ചത്. ഒന്നേകാൽ ലക്ഷം തൊഴിലവസരങ്ങൾ സൃഷ്ടിച്ചിട്ടുണ്ട്. ഇതിൽ 37000-ത്തോളം നേരിട്ടുള്ള തൊഴിലവസങ്ങളും, 85000 മറ്റു തൊഴിലവസരങ്ങളും ഉൾപ്പെടുന്നുണ്ട്.
Read Also: ശബരിമല തീർത്ഥാടനം : പമ്പയിൽ നിന്ന് കൂടുതൽ ബസ് സർവീസുകൾ
തദ്ദേശീയരും, വിദേശികളുമായ നിരവധി പേരാണ് മേളയിൽ പങ്കെടുക്കുന്നതിനായി ഓരോ ദിവസവും റിയാദിലെത്തുന്നത്. റിയാദിൽ നിന്ന് മാത്രം ഏതാണ്ട് 3.6 ദശലക്ഷം പേർ മേള സന്ദർശിച്ചു. ഗൾഫ് രാജ്യങ്ങളിൽ നിന്ന് ഒന്നരലക്ഷത്തിലധികം പേരും, മറ്റു വിദേശ രാജ്യങ്ങളിൽ നിന്ന് ഒരു ലക്ഷത്തിലധികം പേരും റിയാദ് സീസൺ 2021 സന്ദർശിച്ചു.
ഏകദേശം 5.4 ദശലക്ഷം സ്‌ക്വയർ മീറ്ററിൽ പരന്ന് കിടക്കുന്ന റിയാദ് സീസൺ വേദിയിൽ 14 വ്യത്യസ്ത വിനോദ മേഖലകൾ ഒരുക്കിയിട്ടുണ്ട്. 7500-ത്തോളം വിനോദ പ്രദർശനങ്ങൾ, ആഘോഷ പരിപാടികൾ തുടങ്ങിയവ മേളയുടെ ഭാഗമായി അരങ്ങേറുന്നത്.
Read Also: വയനാട്ടിൽ യുവാവ് വെടിയേറ്റു മരിച്ച സംഭവം: പ്രതികൾ പിടിയിൽ
Post Your Comments