തേ​നീ​ച്ച​ക്കൂ​ട്ട​മിളകി : കു​ത്തേ​റ്റ് നി​ര​വ​ധി പേ​ർ​ക്ക് പ​രി​ക്ക്

മാ​വൂ​ർ: പ​രു​ന്ത് കൊത്തി​യ​തി​നെ​ തു​ട​ർ​ന്ന് ഇ​ള​കി​യ തേ​നീ​ച്ച​ക്കൂ​ട്ട​ത്തിന്റെ കു​ത്തേ​റ്റ് നി​ര​വ​ധി പേ​ർ​ക്ക് പ​രി​ക്ക്. ​ഗുരുതര പരിക്കുമായി ആറുപേ​രെ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

മാ​വൂ​ർ ഗ്രാ​മ​പ​ഞ്ചാ​യ​ത്ത് 11-ാംവാ​ർ​ഡി​ൽ പ​ന​ങ്ങോ​ട് ഞാ​യ​റാ​ഴ്ച ഉ​ച്ച​യോ​ടെ​യാ​ണ് സം​ഭ​വം. പൈ​പ്പ്​​ലൈ​ൻ റോ​ഡ​രി​കി​ലെ മ​ര​ത്തി​ലു​ണ്ടാ​യി​രു​ന്ന തേ​നീ​ച്ച​ക​ളാ​ണ് കൂ​ട്ടി​ൽ പ​രു​ന്ത് കൊ​ത്തി​യ​തി​നെ​ത്തു​ട​ർ​ന്ന് ഇ​ള​കി​യത്. തുടർന്ന് ​വ​ഴി​യാ​ത്ര​ക്കാ​രെ​യും പ​രി​സ​ര​വാ​സി​ക​ളെ​യും ആ​ക്ര​മി​ക്കുകയായിരുന്നു.

താ​ത്തൂ​ർ സ്വ​ദേ​ശി​ക​ളാ​യ മൂ​ന്നു പേ​രെ​യാ​ണ് ആ​ദ്യം ആ​ക്ര​മി​ച്ചെങ്കിലും ഇ​വ​ർ ഓ​ടി​ര​ക്ഷ​പ്പെ​ട്ടു. തു​ട​ർ​ന്ന് ഇ​തു​വ​ഴി സ്കൂ​ട്ട​റി​ൽ വ​ന്ന പ​ന​ങ്ങോ​ട് അ​ണ്ടി​പ്പ​റ്റ് അ​ബ്​​ദു​ൽ ല​ത്തീ​ഫി​നെ (45)യും കുത്തി. വാ​ഹ​നം റോ​ഡി​ലി​ട്ട് ഓ​ടി അ​യ​ൽ വീ​ട്ടി​ൽ അ​ഭ​യം തേ​ടിെ​യ​ങ്കി​ലും പി​ന്തു​ട​ർ​ന്ന് കു​ത്തുകയായിരുന്നു.

Read Also : ഭക്ഷ്യവിഷബാധയിൽ രണ്ടര വയസുകാരൻ മരിച്ച സംഭവം : കിണർവെള്ളത്തിൽ കോളറ ബാക്​ടീരിയയുടെ സാന്നിധ്യം കണ്ടെത്തി

സാ​ര​മാ​യി കു​ത്തേ​റ്റ​തി​നെ ​തുട​ർ​ന്ന് ബോ​ധ​ക്ഷ​യം സം​ഭ​വി​ച്ച ഇ​യാ​ളെ ഉ​ട​ൻ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലെ​ത്തി​ച്ചു. വീ​ട്ടി​ലു​ണ്ടാ​യി​രു​ന്ന മു​ല്ല​പ്പ​ള്ളി അ​ബ്​​ദു​ൽ​ക​രീം (50), മ​ക​ൻ സ​ഹ​ൽ (25), മ​ന്നി​ങ്ങാ​തൊ​ടി സ​ലാ​ഹു​ദ്ദീ​ൻ (22), പു​ളി​യ​ൻ​ചാ​ലി​ൽ മി​ദ്​​ലാ​ജ് (18), ചെറുവാടി കണ്ണംപറമ്പിൽ അൻഷിദ്​ (21) എ​ന്നി​വ​ർ​ക്കും കു​ത്തേ​റ്റു. ഇ​വ​രെ​യും മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

മു​ക്ക​ത്തു​നി​ന്ന് ഫ​യ​ർ ഫോ​ഴ്സും മാ​വൂ​ർ പൊ​ലീ​സും സ്ഥ​ല​ത്തെ​ത്തി. രാ​ത്രി​യി​ൽ കൂ​ട് ന​ശി​പ്പി​ക്കാ​മെ​ന്ന് തീ​രു​മാ​നി​ച്ചെ​ങ്കി​ലും തുടർച്ചയായുള്ള പ​രു​ന്തിന്റെ ആ​ക്ര​മ​ണ​ത്തി​ൽ വൈ​കീ​​ട്ടോ​ടെ കൂ​ട് താ​ഴെ വീഴുകയായിരുന്നു. ​ഇതോ​ടെ​യാ​ണ് ഭീ​തി ഒ​ഴി​ഞ്ഞ​ത്. തുടർന്ന് രാത്രിയോടെ ദുരന്തനിവാരണ സേനാംഗങ്ങളെത്തി കൂട്​ പൂർണമായി നശിപ്പിച്ചു.