പനാജി: ഐഎസ്എല്ലിൽ ഇന്ന് നോർത്ത് ഈസ്റ്റ് ബെംഗളൂരു എഫ് സിയെ നേരിടും. കഴിഞ്ഞ സീസണിൽ സെമി ഫൈനലിൽ കടക്കാൻ കഴിയാതിരുന്ന ബെംഗളൂരു വലിയ മാറ്റങ്ങളുമായാണ് ഇത്തവണ ഐഎസ്എല്ലിന് എത്തുന്നത്. പ്ലേ ഓഫിലേക്ക് തിരികെയെത്തുക എന്നതാവും ബെംഗളൂരുവിന്റെ ലക്ഷ്യം. കഴിഞ്ഞ തവണ സെമി വരെ എത്തിയ നോർത്ത് ഈസ്റ്റ് ഇത്തവണ കിരീടം തന്നെയാകും ലക്ഷ്യമിടുന്നത്.
ഖാലിദ് ജമീലിനെ പരിശീലകനാക്കി നിയമിച്ച് ചരിത്രം സൃഷ്ടിച്ച നോർത്ത് ഈസ്റ്റ് മികച്ച പ്രകടനം തന്നെ നടത്തുമെന്നാണ് ഇന്ത്യൻ ഫുട്ബോൾ ആരാധകർ പ്രതീക്ഷിക്കുന്നത്. ഇന്ന് രണ്ടു ടീമിലും മലയാളികളുടെ സാന്നിദ്ധ്യം ശ്രദ്ധേയമാകും. കേരളം ബ്ലസ്റ്റേഴ്‌സ് കഴിഞ്ഞാൽ ഏറ്റവും കൂടുതൽ മലയാളികൾ കളിക്കുന്ന ടീമാണ് നോർത്ത് ഈസ്റ്റ്. ആറു മലയാളികളാണ് നോർത്ത് ഈസ്റ്റിൽ കളിക്കുന്നത്.
Read Also:- ശരീരത്തിലുണ്ടാകുന്ന ചൊറിച്ചിലുകളെ നിസാരമായി കാണരുത്..!!
മിർഷാദ് മിച്ചു, ഇർഷാദ് ഖാൻ, ഗനി നിഗം,മഷൂർ ശരീഫ്, വി പി സുഹൈർ, ജസ്റ്റിൻ ജോർജ്ജ് എന്നിവരാണ് നോർത്ത് ഈസ്റ്റിലെ മലയാളികൾ. ബെംഗളൂരു എഫ് സിയിൽ മലയാളികളായി ആഷിക്, ലിയോണ് അഗസ്റ്റിൻ, ഷാരോൻ എന്നിവരുമുണ്ട്. ഇന്ന് രാത്രി 7.30നാണ് മത്സരം. മത്സരം ഹോട്സ്റ്റാറിലും സ്റ്റാർ സ്പോർട്സിലും കാണാം.
Post Your Comments