ഉപയോഗിക്കാൻ നൽകിയ കാർ തിരിച്ചു നൽകാതെ കൈ​മാ​റ്റം ചെ​യ്ത്​ ക​ട​ത്തി​ : ഒരാൾ പിടിയിൽ

അ​രീ​ക്കോ​ട്: ഉ​പ​യോ​ഗി​ക്കാ​ൻ ന​ൽ​കി​യ കാ​ർ തി​രി​ച്ചു​ ന​ൽ​കാ​തെ ക​ട​ത്തി​യ സം​ഭ​വ​ത്തി​ൽ ഒ​രാ​ൾ അ​റ​സ്​​റ്റി​ൽ. ചെ​റു​വാ​യൂ​ർ സ്വ​ദേ​ശി മു​ഹ​മ്മ​ദ് ബ​ഷീ​ർ എ​ന്ന മാ​നു​പ്പ​യ​യാ​ണ്​ (31) അറസ്റ്റിലായത്. അ​രീ​ക്കോ​ട് പൊ​ലീ​സ് ആണ് പ്രതിയെ അ​റ​സ്​​റ്റ്​ ചെ​യ്ത​ത്.

മു​ണ്ടം​പ​റ​മ്പ് സ്വ​ദേ​ശി അ​ബ്​​ദു​റ​ഷീ​ദിന്റെ 3.8 ല​ക്ഷം രൂ​പ വി​ല​വ​രു​ന്ന കാ​ർ 15 ദി​വ​സം ഉപയോ​ഗിക്കുന്നതിനാണ് നൽകിയത്. എന്നാൽ ഇത് തി​രി​ച്ചു​ ന​ൽ​കാ​തെ കൈ​മാ​റ്റം ചെ​യ്യുകയായിരുന്നു. സംഭവത്തിൽ കാറുടമ നൽകിയ പരാതിയുടെ അടിസ്ഥാനത്തിലാണ് പൊലീസ് കേസെടുത്തിരിക്കുന്നത്.​ ക​ട​ത്ത് കേ​സിലെ നാ​ലാം പ്ര​തി​യാ​ണ് അറസ്റ്റിലായ മു​ഹ​മ്മ​ദ് ബ​ഷീ​ർ.

Read Also : അനധികൃത എഴുത്ത് ലോട്ടറി നടത്തൽ : രണ്ടുപേർ പിടിയിൽ

അതേസമയം കാ​ണാ​താ​യ കാ​ർ ഇ​തു​വ​രെ ക​ണ്ടെ​ത്താ​നാ​യി​ട്ടി​ല്ല. പ്ര​തി​ക​ൾ കാ​ർ ത​മി​ഴ്നാ​ട്ടി​ലേ​ക്ക് ക​ട​ത്തി​യ​താ​യി സം​ശ​യി​ക്കു​ന്ന​താ​യി അ​രീ​ക്കോ​ട് എ​സ്.​എ​ച്ച്.​ഒ സി.​വി. ലൈ​ജു മോ​ൻ പ​റ​ഞ്ഞു. കേസിലെ മ​റ്റു പ്ര​തി​ക​ളാ​യ ചെ​റു​വാ​യൂ​ർ കാ​സിം, മു​ഹ​മ്മ​ദ​ലി ഒ​ഴു​കൂ​ർ, ത​ട​പ്പ​റ​മ്പ് മു​ജീ​ബ് റ​ഹ്മാ​ൻ എ​ന്നി​വ​രെ ക​ണ്ടെ​ത്താ​ൻ അ​ന്വേ​ഷ​ണം ആ​രം​ഭി​ച്ചു.

വാ​ഹ​നം ത​മി​ഴ്നാ​ട്ടി​ലേ​ക്ക് ക​ട​ത്തി എ​ന്ന് സം​ശ​യി​ക്കു​ന്ന സാ​ഹ​ച​ര്യ​ത്തി​ൽ കേ​സ് അ​ന്വേ​ഷി​ക്കാ​ൻ പ്ര​ത്യേ​ക അ​ന്വേ​ഷ​ണ​ സം​ഘ​ത്തെ നി​യോ​ഗി​ച്ച​താ​യി എ​സ്.​എ​ച്ച്.​ഒ പ​റ​ഞ്ഞു. നി​ല​വി​ൽ പ്ര​തി​ക​ൾ​ക്കെ​തി​രെ വ​ഞ്ച​ന ഉ​ൾ​പ്പെ​ടെ​യു​ള്ള കേ​സു​ക​ളാ​ണ് ര​ജി​സ്​​റ്റ​ർ ചെ​യ്ത​ത്. മ​ഞ്ചേ​രി സി.​ജെ.​എം കോ​ട​തി​യി​ൽ ഹാ​ജ​രാ​ക്കിയ പ്ര​തി​യെ 14 ദി​വ​സ​ത്തേ​ക്ക് റി​മാ​ൻ​ഡ് ചെ​യ്തു.