'ഇന്ത്യയിലെ ഹിന്ദുക്കൾ ന്യൂനപക്ഷത്തോടൊപ്പം സമാധാനത്തോടെ കഴിഞ്ഞിരുന്നെങ്കിൽ എന്ന് ആഗ്രഹിച്ച് പോകുന്നു': യുഎഇ രാജകുമാരി

യുഎഇ രാജകുടുംബാംഗമായ ഹിന്ദ് ബിന്ദ് ഫൈസൽ അൽ ഖാസിമിയുടെ പുതിയ ട്വീറ്റ് സോഷ്യൽ മീഡിയയിൽ വൈറലാകുന്നു. ഇന്ത്യയിലെ ഹിന്ദു മതസ്ഥർ ന്യൂനപക്ഷത്തോടൊപ്പം സമാധാനത്തോടെ കഴിഞ്ഞിരുന്നെങ്കിൽ എന്ന് ആഗ്രഹിച്ച് പോകുന്നു എന്നാണ് രാജകുമാരി ട്വീറ്റ് ചെയ്തിരിക്കുന്നത്. ഹിന്ദു ദൈവങ്ങളായ മഹാശിവന്റയും പാർവതിയു‌ടെയും ഗണപതിയുടെയും മുരുകന്റെയും ചിത്രം പങ്കുവെച്ചു കൊണ്ടാണ് ഇവരുടെ ട്വീറ്റ്.

Also Read:ദിവസവും നടന്നാലുള്ള ആരോഗ്യഗുണങ്ങൾ..!!

ട്വീറ്റ് ചെയ്ത ഫോട്ടോയിൽ, ഈ ദൈവ സങ്കൽപ്പങ്ങളുടെയൊക്കെ അടുത്ത് കാണുന്ന പാമ്പ്, മയിൽ, സിംഹം തു‌ടങ്ങിയ ജീവികൾ പ്രകൃതിയിൽ പരസ്പരം ഒരുമിച്ച് ജീവിക്കുന്നവയല്ല എന്നും മഹാശിവന്റെ കുടുംബത്തിൽ ഈ ജീവികൾ ഒരുമിച്ച് ജീവിക്കുന്നുവെന്നും എഴുതിയിട്ടുണ്ട്. സഹജീവനത്തിന്റെ മാതൃകയാണ് മഹാശിവനെന്നും രാജകുടുംബാംഗം പങ്കുവെച്ച ചിത്രത്തിലെ വാക്കുകൾ വ്യക്തമാക്കുന്നു.

നേരത്തെ യുഎഇയിലെ ചില പ്രവാസി ഇന്ത്യക്കാര്‍ നടത്തിയ മുസ്‌ലിം വിരുദ്ധ പരാമര്‍ശങ്ങള്‍ക്കെതിരെ ഹിന്ദ് അല്‍ ഖാസിമി രംഗത്തു വന്നിരുന്നു. ഞങ്ങളുടെ രാജ്യത്ത് വന്ന് ഞങ്ങള്‍ക്കെതിരെ സംസാരിക്കുന്നത് ഒരിക്കലും അനുവദിക്കില്ലെന്ന് ഈ രാജകുടുംബാംഗം അന്ന് വര്‍ഗീയ പരാമര്‍ശം നടത്തിയ ഇന്ത്യന്‍ പ്രവാസികള്‍ക്ക് മുന്നറിയിപ്പ് നല്‍കിയിരുന്നു.