മാര്‍വെല്‍സിന്റെ പുതിയ ചിത്രം എറ്റേണല്‍സിന് പ്രദര്‍ശന വിലക്ക്. അക്കാദമി അവാര്‍ഡ് നേടിയ ക്ളോ സഹാവോ ഒരുക്കിയ ചിത്രത്തിന് സൗദി അറേബ്യയിലും കുവൈറ്റിലും ഖത്തറിലുമാണ് പ്രദര്‍ശനാനുമതി നിഷേധിച്ചിരിക്കുന്നത്. ചിത്രത്തിലെ സ്വവര്‍ഗാനുരാഗ രംഗങ്ങള്‍ നീക്കം ചെയ്യാത്തതിനാലാണ് പ്രദര്‍ശനം വിലക്കിയത്. .
മാര്‍വെല്‍ സിനിമാറ്റിക് യൂണിവേഴ്സ് ആദ്യമായാണ് തങ്ങളുടെ ചിത്രത്തില്‍ ഗേ സൂപ്പര്‍താരങ്ങളെ കഥാപാത്രങ്ങളായി ഉള്‍പ്പെടുത്തുന്നത്. നടന്‍ ഹാസ് സ്ലെയ്മന്‍, ബ്രിയന്‍ ടെയ്റീ ഹെന്റി എന്നിവരാണ് എറ്റെര്‍ണല്‍സിലെ ഗേ കഥാപാത്രങ്ങളെ അവതരിപ്പിച്ചിരിക്കുന്നത്. യു.എ.ഇയില്‍ ചിത്രത്തിന് വിലക്കില്ല.
സാധാരണയായി ഗള്‍ഫ് രാജ്യങ്ങളില്‍ ഹോളിവുഡ് സിനിമകള്‍ പ്രദര്‍ശിപ്പിക്കുമ്ബോള്‍ ചിത്രത്തിലെ ലൈംഗിക ദൃശ്യങ്ങള്‍ പലതും വെട്ടിമാറ്റാറുണ്ട്. എന്നാല്‍ എറ്റേണല്‍സില്‍ ഗേ കഥാപാത്രങ്ങളെ ഉള്‍പ്പെടുത്തിയ ഡിസ്നിയു‌ടെ തീരുമാനം അന്താരാഷ്ട്ര തലത്തില്‍ ശ്രദ്ധിക്കപ്പെട്ടത് കൊണ്ടുതന്നെ ഗള്‍ഫ് രാജ്യങ്ങളില്‍ ഗേ സീനുകള്‍ ഒഴിവാക്കുന്നത് വ്യാപക വിമര്‍ശനത്തിനിടയാക്കുമെന്നും അധികൃതർ ചിന്തിച്ചു.
Post Your Comments