ന്യൂഡല്‍ഹി: സവര്‍കര്‍ മഹാനായ സ്വാതന്ത്ര്യ സമരസേനാനി. അദ്ദേഹത്തെ അവഗണിക്കുന്നതും അധിക്ഷേപിക്കുന്നതും പൊറുക്കാനാവാത്ത തെറ്റാണെന്ന് കേന്ദ്ര പ്രതിരോധ മന്ത്രി രാജ്നാഥ് സിങ്. വി.ഡി സവര്‍കറെക്കുറിച്ച്‌ ഉദയ് മഹുര്‍കര്‍ എഴുതിയ പുസ്തകത്തിന്‍റെ പ്രകാശനച്ചടങ്ങിലാണ് രാജ്നാഥ് സിങ്ങിന്‍റെ പ്രസ്താവന.
‘ഈ പുസ്തകം ഒരു പാട് ഗവേഷണത്തിന് ശേഷം എഴുതിയതാണ്. എഴുത്തുകാരനെ അഭിനന്ദിക്കുന്നു. വീര്‍ സവര്‍കറെ വായിക്കുന്നത് എളുപ്പമല്ല. ഈ പുസ്തകം സവര്‍കറെക്കുറിച്ചുള്ള അഭ്യൂഹങ്ങളെ ദൂരീകരിക്കും. വിവിധ ആശയക്കാരായ ഒരുപാട് പേര് സവര്‍കറെക്കുറിച്ച്‌ പുസ്തകം എഴുതിയിട്ടുണ്ട്. എന്നിട്ടും അദ്ദേഹത്തെ ആര്‍ക്കും മനസ്സിലാക്കാന്‍ സാധിച്ചില്ല’, രാജ്നാഥ് സിങ്ങ് പറഞ്ഞു.
‘സവര്‍കര്‍ മഹാനായ സ്വാതന്ത്ര്യ സമരസേനാനിയായിരുന്നു. അദ്ദേഹത്തെ അവഗണിക്കുന്നതും അധിക്ഷേപിക്കുന്നതും മാപ്പര്‍ഹിക്കാത്ത തെറ്റാണ്. ചില പ്രത്യേക ആശയക്കാര്‍ അദ്ദേഹത്തെക്കുറിച്ച്‌ ചോദ്യങ്ങള്‍ ഉന്നയിക്കുന്നുണ്ട്. അദ്ദേഹം രണ്ടുതവണ ബ്രിട്ടീഷുകാരാല്‍ ജീവപര്യന്ത്യത്തിന് വിധിക്കപ്പെട്ടയാളാണ്. ചിലര്‍ അദ്ദേഹത്തെ നാസിയാക്കുന്നുണ്ട്. മാര്‍ക്സിസ്റ്റ് ലെനിനിസ്റ്റ് ആശയത്തില്‍ വിശ്വസിക്കുന്നവരാണ് ഇങ്ങനെ ചെയ്യുന്നത്. അദ്ദേഹം ഒരു ദേശീയവാദിയാണ്. മറ്റൊന്നുമല്ല’, രാജ്നാഥ് സിങ്ങ് കൂട്ടിച്ചേർത്തു.
Post Your Comments