ശ്രീനഗര്‍: ബി.ജെ.പി നേതാവിനെയും കുടുംബത്തെയും കൊലപ്പെടുത്തിയ ഭീകരനെ ഏറ്റുമുട്ടലില്‍ വധിച്ചു. 2020 ജൂലായ്‌ മാസത്തിലായിരുന്നു ബി.ജെ.പി ജില്ല പ്രസിഡന്‍റായിരുന്ന ബാരി, പിതാവ്, സഹോദരന്‍ എന്നിവരെ ഭീകരര്‍ കൊലപ്പെടുത്തിയത്. ബാരിയെ കൊലപ്പെടുത്തിയ ഭീകരനെയാണ് തങ്ങൾ വധിച്ചതെന്ന് സുരക്ഷസേന അറിയിച്ചു.
രഹസ്യവിവരത്തിന്‍റെ അടിസ്ഥാനത്തിൽ സുരക്ഷാസേന വാത്റിന പ്രദേശത്ത് നടത്തിയ തെരച്ചിലിന് നേരെ ഭീകരര്‍ വെടിവെക്കുകയായിരുന്നുവെന്ന് പൊലീസ് ഉദ്യോഗസ്ഥന്‍ പറഞ്ഞു. ജമ്മു കശ്മീരിലെ ബന്ദിപോരയില്‍ ഞായറാഴ്ചയാണ് ഏറ്റുമുട്ടൽ ഉണ്ടായത്. രണ്ടു ഭീകരരെയാണ് സുരക്ഷാ സേന വധിച്ചത്.
ബാരിയെയും ബന്ധുക്കളെയും കൊലപ്പെടുത്തിയ ഭീകരനെ ഏറ്റുമുട്ടലില്‍ വധിച്ചതായി കശ്മീര്‍ സോണ്‍ പൊലീസ് ട്വീറ്റ് ചെയ്തു.
Post Your Comments