ഒരേസമയം മിലിട്ടറി ഡോക്ടറും സിനിമാ നിർമാതാവും: എ​ഡി​ജി​പിയുടെ ബന്ധുവെന്ന് പറഞ്ഞ് ലക്ഷങ്ങൾ തട്ടിയ ബിജു അറസ്റ്റിൽ

ക​ണ്ണ​പു​രം: നിർമാതാവ് ആണെന്ന് പറഞ്ഞ് നിരവധി ആളുകളെ കബളിപ്പിച്ച് ലക്ഷങ്ങൾ കവർന്ന കൊ​ല്ലം സ്വ​ദേ​ശി ബി​ജു തോ​മ​സ് ഏ​ബ്ര​ഹാം (49) അറസ്റ്റിൽ. ജോലി വാഗ്ദാനം ചെയ്തും സി​നി​മ​യി​ൽ അ​ഭി​ന​യിപ്പിക്കാമെന്ന് കള്ളം പറഞ്ഞുമാണ് ഇയാൾ പലതവണയായി നിരവധി ആളുകളിൽ നിന്ന് പണം തട്ടിയെടുത്തത്. ആ​രോ​ൺ ദേ​വ​രാ​ഗ് എ​ന്ന തന്റെ ഫേസ്‌ബുക്ക് അക്കൗണ്ട് വഴിയാണ് ഇയാൾ തന്റെ ഇരകളെ കണ്ടെത്തിയിരുന്നത്.

താൻ നിർമാതാവ് ആണെന്നായിരുന്നു ഇയാൾ യുവാക്കളോട് പറഞ്ഞിരുന്നത്. പ്ര​മു​ഖ​രാ​യ സി​നി​മാ ന​ട​ന്മാ​രു​ടെ കൂ​ടെ​യും അ​തു​പോ​ലെ സ​മൂ​ഹ​ത്തി​ലെ ഉ​ന്ന​ത വ്യ​ക്തി​ക​ളു​ടെ​യും കൂ​ടെ​യും ഫോ​ട്ടോ​യെ​ടു​ത്ത് ഇയാൾ ഫേസ്‌ബുക്കിൽ പങ്കുവെച്ചിരുന്നു. ഇതോടെ, ‘നിർമാതാവ് പട്ടം’ പലരും വിശ്വസിക്കും. ബം​ഗ​ളൂ​രു​വി​ലും കേ​ര​ള​ത്തി​ലു​മാ​യി നി​ര​വ​ധി യു​വ​തി-​യു​വാ​ക്ക​ളെ സി​നി​മ​യി​ൽ അ​ഭി​ന​യി​പ്പി​ക്കാ​മെ​ന്നു പ​റ​ഞ്ഞു പ​ണം വാങ്ങിയിട്ടുണ്ട്. പലരും ഇയാൾക്കെതിരെ പരാതി നൽകാൻ തയ്യാറായിട്ടില്ല.

Also Read:സഖാക്കളുടെ ആ മോഹം പാർട്ടിക്ക് ദോഷം: സി പി എം

എ​ഡി​ജി​പി​യാ​യ മ​നോ​ജ് ഏ​ബ്ര​ഹാം ത​ന്‍റെ ബ​ന്ധു​വാ​ണെ​ന്ന് പ​റ​ഞ്ഞും ഇയാൾ നി​ര​വ​ധി ആ​ളു​ക​ളെ പ​റ്റി​ച്ചു പ​ണം കൈ​ക്ക​ലാ​ക്കി​യിട്ടുണ്ട്. 2016ൽ ​സി​നി​മാ നി​ർ​മി​ക്കാ​നെ​ന്നു പ​റ​ഞ്ഞ് ക​ണ്ണ​പു​രം സ്വ​ദേ​ശി മ​നു കൃ​ഷ്ണ​നി​ൽ​നി​ന്നു മൂ​ന്ന​ര ല​ക്ഷം വാ​ങ്ങിയിരുന്നു. ഇയാൾ തട്ടിപ്പുകാരനാണെന്ന് മനസിലാക്കിയ മനു പോലീസിൽ പരാതി നൽകുകയായിരുന്നു. ഈ കേസിലാണ് ഇയാളെ അറസ്റ്റ് ചെയ്തിരിക്കുന്നത്.

ഒരേസമയം, മി​ലി​റ്റ​റി ഡോ​ക്ട​ർ ആ​യും നിർമാതാവ് ആയും ഇയാൾ ആളുകളെ വീഴ്ത്തുമായിരുന്നു. മി​ലി​ട്ട​റി യൂ​ണി​ഫോ​മ​ണി​ഞ്ഞു​ള്ള വ്യാ​ജ ഐ​ഡ​ൻ​റി​റ്റി കാ​ർ​ഡ് ഉ​ണ്ടാ​ക്കി​യാ​ണ് ആ​ളു​ക​ളെ പ​റ്റി​ച്ചു ല​ക്ഷ​ങ്ങ​ൾ വാ​ങ്ങു​ന്ന​ത്. മി​ലി​റ്റ​റി​യി​ൽ ജോ​ലി വാ​ഗ്ദാ​നം ചെ​യ്ത് 18 കു​ടും​ബ​ങ്ങ​ളി​ൽ​നി​ന്ന് ഓ​രോ ല​ക്ഷം രൂ​പ വാ​ങ്ങി​യ കേ​സ് ബം​ഗ​ളൂ​രു​വി​ൽ ഉ​ണ്ട്. ബംഗളൂരുവിൽ താമസമാക്കിയ ബിജുവിനെ സൈ​ബ​ർ സെ​ല്ലി​ന്‍റെ സ​ഹാ​യ​ത്തോ​ടെയാണ് ക​ണ്ണ​പു​രം പോലീസ് പിടികൂടിയത്.