ഫോൺ പൊട്ടിത്തെറിച്ചത്​ പരാതിപ്പെട്ട അഭിഭാഷകന്​ നോട്ടീസയച്ച്​ ചൈനീസ് ഫോൺ നിർമ്മാണ കമ്പനി

ഡൽഹി: ഫോൺ പൊട്ടിത്തെറിച്ചതായി പരാതിപ്പെട്ട അഭിഭാഷകന്​ കമ്പനിയുടെ ലീഗൽ നോട്ടീസ്​. ഡൽഹിയിലെ കോടതി ചേംബറിൽ വെച്ച്​ വൺപ്ലസിന്റെ നോർഡ്​ 2 എന്ന ഫോൺ പൊട്ടിത്തെറിച്ചെന്നായിരുന്നു അഡ്വ. ഗൗരവ്​ ഗുലാട്ടിയുടെ പരാതി. കത്തിനശിച്ച ഗൗണിന്റെയും ഫോണി​ന്റെയും ചിത്രങ്ങൾ അഭിഭാഷകൻ ട്വിറ്ററിലൂടെ​ പുറത്തുവിട്ടിരുന്നു. ചൈനീസ്​ കമ്പനിക്കെതിരെ നിയമനടപടി സ്വീകരിക്കുമെന്നും അദ്ദേഹം വ്യക്തമാക്കി.

അതേസമയം, തങ്ങളോട്​​ മാപ്പ്​ പറയാനും കമ്പനിയെ അപകീർത്തിപ്പെടുത്തി സമൂഹ മാധ്യമങ്ങളിൽ പങ്കുവെച്ച പോസ്റ്റുകൾ പിൻവലിക്കാനും ആവശ്യപ്പെട്ട് ​ ഗൗരവ്​ ഗുലാട്ടിക്ക്​ അയച്ച നോട്ടീസിൽ വൺപ്ലസ്​ കമ്പനി ആവശ്യപ്പെടുന്നു​.​ അഭിഭാഷകൻ കമ്പനിയുടെ സൽപ്പേരിന് കോട്ടം വരുത്തുന്നതും അപകീർത്തികരമായി സാമൂഹിക മാധ്യമങ്ങളിൽ പോസ്റ്റുചെയ്യുന്നതും നിർത്താൻ കമ്പനി ആവശ്യപ്പെട്ടു​.

നേരത്തെ അഭിഭാഷകൻ​ പ്രസ്താവനകൾ നൽകിയ എല്ലാ മാധ്യമങ്ങളുമായും ബന്ധപ്പെട്ട് താൻ പറഞ്ഞ കാര്യങ്ങൾ സ്ഥിരീകരിക്കാത്തതും അടിസ്ഥാനരഹിതവുമാണെന്ന് വ്യക്തമാക്കാനും കമ്പനി നിർദേശിച്ചു. വൺപ്ലസിന്റെ അനുബന്ധ കമ്പനിയായ മൊബിടെക് ക്രിയേഷൻസിന്റെ നിയമ പങ്കാളിയായ ഡിഎസ്കെ ലീഗൽ അയച്ച നോട്ടീസ് അഭിഭാഷകൻ ട്വിറ്ററിൽ പങ്കുവെച്ചിട്ടുണ്ട്​.

सत्य परेशान हो सकता है लेकिन पराजित नहीं….
@barcouncilindia @OnePlus_IN @OnePlus_Support
So I have recieved this legal notice for raising my voice for whatever i have gone through after my mobile blast incident. So this is the price i have to pay for being the whistleblower. pic.twitter.com/6hOxTMi6Vw

— GAURAV GULATI (@Adv_Gulati1) September 18, 2021

സോഷ്യൽമീഡിയ വഴി പരിചയം: പ്രായപൂർത്തിയാകാത്ത പെൺകുട്ടിയെ തട്ടിക്കൊണ്ടുപോയി പീഡിപ്പിച്ച യുവാവ് പിടിയിൽ

ഫോൺ പൊട്ടിത്തെറിച്ചതിന്​ പിന്നാലെ വൺപ്ലസ്​ ഗുലാട്ടിയുമായി ബന്ധപ്പെട്ടിരുന്നുവെന്നും കൃത്യമായ വിരങ്ങൾ കമ്പിനിക്ക് നൽകിയതായും അഭിഭാഷകൻ പറയുന്നു. എന്നാൽ, പൊട്ടിത്തെറി സംബന്ധിച്ച തെളിവുകൾ നശിപ്പിക്കാൻ സാധ്യതയുണ്ടെന്ന്​ കാട്ടി അന്വേഷണത്തിന്റെ ഭാഗമായി ഫോൺ കമ്പനിക്ക്​ കൈമാറാൻ അദ്ദേഹം വിസമ്മതിച്ചിരുന്നു. സ്ഫോടനത്തെത്തുടർന്ന് ഫോണിൽ നിന്നുള്ള കടുത്ത ചൂട് മൂലം വയറ്റിൽ പൊള്ളലേറ്റതായും അഭിഭാഷകൻ ആരോപിച്ചിട്ടുണ്ട്​.

എന്നാല്‍ സംഭവത്തെക്കുറിച്ച് അന്വേഷണം നടത്താന്‍ ആരോപണവിധേയനായ വ്യക്തി അനുവദിച്ചില്ലെന്ന് കമ്പനി പരാമര്‍ശിച്ചു. ഫോണിന്റെ വിശകലനത്തിനായി നിരവധി തവണ ശ്രമിച്ചിട്ടും, വ്യക്തിയുടെ സാന്നിധ്യത്തില്‍ പരിസരം സന്ദര്‍ശിക്കുന്നത് ഉള്‍പ്പെടെയുള്ള അവസരം തങ്ങള്‍ക്ക് നിഷേധിച്ചുവെന്നു വണ്‍പ്ലസ് വക്താവ് അറിയിച്ചു.

#Blast & #Fire in my brand new #oneplusnord25g.@OnePlus_IN Today morning while i was in my office ( Court Chamber) @OnePlusNord2_ @oneplus @OnePlus_USA pic.twitter.com/TwNKNmnhzo

— GAURAV GULATI (@Adv_Gulati1) September 8, 2021