കോട്ടയം: പാലാ രൂപതാ ബിഷപ്പിനെ പിന്തുണച്ച്‌ മോന്‍സ് ജോസഫ് എംഎല്‍എ. ബിഷപ് സഭയുടെ തലവന്‍ എന്ന നിലക്ക് വിശ്വാസികളോട് നടത്തിയ പ്രസംഗം സഭക്കുള്ളിലെ കാര്യമായി കണ്ടാല്‍ മതിയെന്നും ബിഷപ് പറഞ്ഞതിന്റെ അന്തസ്സത്ത ഉള്‍ക്കൊണ്ട് തിരുത്തല്‍ ഉണ്ടാകണമെന്നും മോന്‍സ് ജോസഫ് പറഞ്ഞു. സമൂഹത്തിന് മാതൃകപരമായ തിരുത്തലാണ് വേണ്ടതെന്നും അത് മുഖ്യമന്ത്രിയുടെ ഭാഗത്തുനിന്നായാലും പ്രതിപക്ഷ നേതാവിന്റെ ഭാഗത്തുനിന്നായാലും ഉണ്ടാകണമെന്നും അദ്ദേഹം പറഞ്ഞു.
സത്യസന്ധമായ സഭാപിതാക്കന്മാരുടെ നിലപാടുകളെ ആ രീതിയില്‍ കാണണമെന്നും അല്ലാത്തപക്ഷം അതിനോട് വിയോജിപ്പ് അറിയിക്കേണ്ട സാഹചര്യമുണ്ടാകുമെന്നും മോന്‍സ് ജോസഫ് വ്യക്തമാക്കി. എല്ലാ മതങ്ങളുടെയും ആചാര്യന്മാര്‍ ശരിയായ പാതയില്‍ നയിക്കാനാണ് ശ്രമിക്കുന്നതെന്നും വിവാദം ആകുന്ന സാഹചര്യം ഒഴിവാക്കപ്പെടേണ്ടതാണെന്നും അദ്ദേഹം പറഞ്ഞു.
Post Your Comments