മസ്കത്ത്: ഇന്ത്യയടക്കം 18 രാഷ്ട്രങ്ങളില്‍ നിന്നുള്ള യാത്രാവിലക്ക് നീക്കി ഒമാന്‍. രാജ്യത്ത് അംഗീകാരമുള്ള കോവിഡ് വാക്സിന്റെ രണ്ട് ഡോസും സ്വീകരിച്ചവര്‍ക്കാണ് പ്രവേശനാനുമതി ലഭിക്കുകയെന്നും സെപ്റ്റംബര്‍ ഒന്ന് മുതലായിരിക്കും തീരുമാനം പ്രാബല്ല്യത്തില്‍ വരുന്നതെന്നും ഒമാൻ സിവില്‍ ഏവിയേഷന്‍ അതോറിറ്റി പുറപ്പെടുവിച്ച പ്രസ്താവനയില്‍ വ്യക്തമാക്കി.
ഒമാനില്‍ റെസിഡന്‍റ് വിസയുള്ളവര്‍, ഓണ്‍ അറൈവല്‍ വിസ ലഭിക്കുന്നവര്‍, യാത്രക്ക് വിസ അനുമതി ആവശ്യമില്ലാത്തവര്‍ എന്നീ വിഭാഗങ്ങളിലുള്ളവര്‍ക്കാണ് അനുമതി നൽകിയിട്ടുള്ളതെന്ന് അധികൃതർ വ്യക്തമാക്കി. നാല് മാസത്തെ ഇടവേളക്ക് ശേഷമാണ് ഒമാന്‍ ഇന്ത്യയിൽ നിന്നുള്ള യാത്രക്കാർക്ക് ഏർപ്പെടുത്തിയിരുന്ന വിലക്ക് പിൻവലിക്കുന്നത്.
ഓക്സ്ഫഡ് ആസ്ട്രാസെനക്ക, സ്പുട്നിക്ക്, ഫൈസര്‍, സിനോവാക് എന്നീ വാക്സിനുകള്‍ക്കാണ് ഒമാനില്‍ അംഗീകാരമുള്ളത്. കോവിഷീല്‍ഡ്, സ്പുട്നിക് എന്നീ വാക്സിനുകൾ സ്വീകരിച്ചവര്‍ക്ക് ഇന്ത്യയില്‍ നിന്ന് യാത്രാനുമതി ലഭിക്കും.
Post Your Comments