ഓണം കഴിഞ്ഞിട്ടും ഓണക്കിറ്റ്​ ലഭിക്കാതെ 21.30 ലക്ഷം കുടുംബങ്ങൾ

തൃ​ശൂ​ർ: 21,30,111 കു​ടും​ബ​ങ്ങ​ൾ​ക്ക് ഓ​ണം ക​ഴി​ഞ്ഞി​ട്ടും സംസ്ഥാന​ സ​ർ​ക്കാ​റിന്റെ സൗ​ജ​ന്യ ഓ​ണ​ക്കി​റ്റ്​ ല​ഭി​ച്ചി​ല്ല. മൊ​ത്തം 90,63,889 കാ​ർ​ഡു​ക​ളി​ൽ 69,33,778 കാ​ർ​ഡു​ക​ൾ​ക്ക്​ മാ​ത്ര​മാ​ണ്​ കി​റ്റ്​ കി​ട്ടി​യ​ത്. ഇതോടെ കി​റ്റ്​ വി​ത​ര​ണം ഓ​ണ​ത്തി​ന്​ മുമ്പേ പൂ​ർ​ത്തി​യാ​ക്കു​മെ​ന്ന സർക്കാർ പ്രഖ്യാപനം പാഴ്വാക്കായി. റേ​ഷ​ൻ ഗു​ണ​ഭോ​ക്​​താ​ക്ക​ളാ​യ അ​ന്ത്യോ​ദ​യ, മു​ൻ​ഗ​ണ​ന കാ​ർ​ഡു​ക​ളി​ൽ​ പോ​ലും ഇ​പ്പോ​ഴും വി​ത​ര​ണം പൂ​ർ​ത്തി​യാ​ക്കാ​നാ​യി​ട്ടി​ല്ല.

വി​ധ​വ​ക​ളും അ​ശ​ര​ണ​രും അ​ട​ങ്ങു​ന്ന 5,83,536 അ​​ന്ത്യോ​ദ​യ കാ​ർ​ഡു​ക​ളി​ൽ 5,15,227 പേർ​ക്കാ​ണ്​ കി​റ്റ്​ ല​ഭി​ച്ച​ത്. ആകെയുള്ളതിന്റെ 88.29 ശ​ത​മാ​നം മാ​ത്ര​മാ​ണി​ത്. നിലവിൽ 68,309 അ​​ന്ത്യോ​ദ​യ കാ​ർ​ഡ്​ ഉ​ട​മ​ക​ൾ​ക്ക്​ ഇ​നി​യും കി​റ്റ്​ ല​ഭി​ക്കേ​ണ്ട​തു​ണ്ട്. മു​ൻ​ഗ​ണ​ന കാ​ർ​ഡു​ക​ളി​ൽ കൂ​ടു​ത​ൽ വി​ത​ര​ണം ന​ട​ന്ന​പ്പോൾ 89.46 ശ​ത​മാ​നം പേ​ർ​ക്ക് ​ ഈ ​വി​ഭാ​ഗ​ത്തി​ൽ കി​റ്റ്​ ല​ഭി​ച്ചു. 32,50,609 മുൻഗണന കാ​ർ​ഡു​ക​ളി​ൽ 29,09,256 പേ​ർ​ക്ക് കിറ്റ്​ ല​ഭി​ച്ചപ്പോൾ 3,41,353 പേ​ർ​ക്ക്​ ഇ​നി​യും ല​ഭി​ക്കേ​ണ്ട​തു​ണ്ട്.

ആദായ നികുതി പോർട്ടലിലെ തകരാറുകൾ പരിഹരിക്കണം: ഇൻഫോസിസ് കർശന നിർദ്ദേശം നൽകി കേന്ദ്രം

സം​സ്ഥാ​ന സ​ബ്​​സി​ഡി ല​ഭി​ക്കു​ന്ന 27,33,459 നീ​ല കാ​ർ​ഡു​കാ​രി​ൽ 16,72,867 പേ​ർ​ക്ക്​ കി​റ്റ്​ വി​ത​ര​ണം ചെ​യ്യാ​നാ​യ​ത്പ്പോൾ 10,60,592 പേ​ർ​ക്ക്​ ഇ​നി​യും ന​ൽ​കേ​ണ്ട​തു​ണ്ട്. 61.19 ശ​ത​മാ​നം മാ​ത്ര​മാ​ണ്​ വി​ത​ര​ണം ന​ട​ന്ന​ത്. 24,96,285 പൊ​തു​വി​ഭാ​ഗം കാ​ർ​ഡു​ക​ളി​ൽ 18,36,428 പേ​രാണ് കി​റ്റ്​ വാ​ങ്ങി​യത്. 6,59,857 കാ​ർ​ഡു​ക​ൾ​ക്ക്​ ഇ​നി​യും കി​റ്റ്​ ല​ഭി​ക്കേ​ണ്ട​തു​ണ്ട്. വെ​ള്ള കാ​ർ​ഡു​ക​ളി​ൽ​ 73.56 ശ​ത​മാ​ന​മാ​ണ്​ വി​ത​ര​ണം ന​ട​ന്ന​ത്​. അതേസമയം ചൊ​വ്വാ​ഴ്​​ച ​ക​ട​ക​ൾ തു​റ​ക്കു​ന്ന​തോ​ടെ കിറ്റ് വി​ത​ര​ണം പു​ന​രാ​രം​ഭി​ക്കും എന്ന് അധികൃതർ അറിയിച്ചു.