ന്യൂഡൽഹി: മുൻ പ്രധാനമന്ത്രിമാരായ ജവഹർലാൽ നെഹ്‌റുവിനെയും എ ബി വാജ്‌പേയിയെയും പ്രകീർത്തിച്ച് കേന്ദ്രമന്ത്രി നിതിൻ ഗഡ്കരി. ഇരുവരും ഇന്ത്യൻ ജനാധിപത്യത്തിലെ മാതൃകയാക്കേണ്ട നേതാക്കന്മാരാണെന്ന് അദ്ദേഹം പറഞ്ഞു. ഭരണപക്ഷവും പ്രതിപക്ഷവും ആത്മപരിശോധന നടത്തി ജനാധിപത്യം ആരോഗ്യകരമായി നിൽക്കുന്നതിനായി അന്തസ്സോടെ പ്രവർത്തിക്കണമെന്നും അദ്ദേഹം വ്യക്തമാക്കി.
പാർലമെന്റ് സമ്മേളനത്തിലെ പ്രതിഷേധങ്ങളെ കുറിച്ചുള്ള ചോദ്യങ്ങൾക്ക് മറുപടി നൽകവെയാണ് അദ്ദേഹത്തിന്റെ പ്രതികരണം. ജനാധിപത്യം വിജയിക്കണമെങ്കിൽ ശക്തമായ പ്രതിപക്ഷം ആവശ്യമാണ്. അതിനാൽ ശക്തമായ പ്രതിപക്ഷമായി കോൺഗ്രസ് മാറണമെന്ന് അദ്ദേഹം ആവശ്യപ്പെട്ടു.
Post Your Comments