കോഴിക്കോട്: പീഡന പരാതിയിൽ കാലിക്കറ്റ് യൂണിവേഴ്‌സിറ്റി അധ്യാപകൻ അറസ്റ്റിൽ. കാലിക്കറ്റ് യൂണിവേഴ്‌സിറ്റി ഇംഗ്ലീഷ് വിഭാഗം അസി. പ്രൊഫസർ ഹാരിസാണ് അറസ്റ്റിലായത്. വിദ്യാർത്ഥിനി നൽകിയ പീഡന പരാതിയിലാണ് നടപടി.
ഇയാൾക്കെതിരെ ഒരു വിദ്യാർത്ഥിനി നേരത്തെ പീഡന പരാതി നൽകിയിരുന്നു. പരാതിയുടെ അടിസ്ഥാനത്തിൽ തേഞ്ഞിപ്പാലം പോലീസ് ഹാരിസിനെ പ്രതിയാക്കി കേസെടുത്തു. തുടർന്ന് സർവ്വകലാശാല ഇയാളെ സർവ്വീസിൽ നിന്നും സസ്‌പെൻഡ് ചെയ്യുകയും ചെയ്തിരുന്നു.
സർവ്വകലാശാല പരാതി പരിഹാര സെല്ലിലാണ് അധ്യാപകനെതിരെ വിദ്യാർത്ഥിനി ആദ്യം പരാതി നൽകിയത്. കമ്മറ്റി പ്രാഥമിക അന്വേഷണത്തിന് ശേഷം കേസ് പോലീസിന് കൈമാറുകയായിരുന്നു. പരാതിക്കാരിയെ കൂടാതെ നിരവധി വിദ്യാർത്ഥിനികളെയും ഇയാൾ ലൈംഗികാതിക്രമത്തിന് ഇരയാക്കിയെന്നാണ് വിവരം.
Post Your Comments