കോഴിക്കോട്: ഇറാഖ് തീരത്തെ എണ്ണക്കപ്പലിലുണ്ടായ തീപിടുത്തത്തില്‍ കൊയിലാണ്ടി സ്വദേശി മരിച്ചു. ഇറാക്ക് എണ്ണക്കപ്പലിലെ ജീവനക്കാരൻ അതുല്‍രാജ് ആണ് മരിച്ചത്. വിരുന്നു കണ്ടി കോച്ചപ്പന്‍റെ പുരയില്‍ അതുല്‍രാജ് ആണ് (28)മരിച്ചത്. ഇക്കഴിഞ്ഞ ജൂലായ് 13നാണ് അപകടമുണ്ടായതെന്നാണ് വിവരം.
പേര്‍ഷ്യന്‍ ഉള്‍ക്കടലില്‍ ഉണ്ടായ അപകടത്തില്‍ രണ്ട് ഇന്ത്യക്കാരടക്കം ഒന്‍പത് പേര്‍ മരിച്ചിട്ടുണ്ടെന്നാണ് പ്രാഥമിക വിവരം. എന്നാൽ വിവരം ഞായറാഴ്ചയാണ് അതുല്‍രാജിന്‍റെ കുടുംബമറിയുന്നത്. കഴിഞ്ഞ ഒക്ടോബറിലാണ് അതുല്‍രാജ് കപ്പല്‍ ജോലിക്ക് പോയത്. കോച്ചപ്പന്‍റെ പുരയില്‍ ഉത്തമന്‍റെയും ജയന്തിയുടെയും മകനാണ് അതുല്‍രാജ്. സഹോദരി അതുല്യ.
അതുലിന്റെ മൃതദേഹം നാട്ടിലെത്തിക്കാനുളള ശ്രമം തുടങ്ങിയതായി ബന്ധുക്കള്‍ പറഞ്ഞു.
Post Your Comments