ന്യൂഡല്‍ഹി: ഡല്‍ഹിയില്‍ 16കാരിയെ കൊലപാതകത്തിൽ പ്രതികരണവുമായി മാതാപിതാക്കൾ രംഗത്ത്. തൈക്വോണ്ടോ മെഡലുകള്‍ വാരിക്കൂട്ടിയ മകളെ പിന്നില്‍ നിന്ന് ആക്രമിക്കാതിരുന്നെങ്കില്‍ അവള്‍ പ്രതിരോധിക്കുമായിരുന്നുവെന്ന് കുടുംബം പ്രതികരിച്ചു. ഡല്‍ഹിയിലെ മോത്തതി ബാഗ് പ്രദേശത്ത് പെൺകുട്ടിയെ കോടാലികൊണ്ട് പിറകില്‍നിന്ന് വെട്ടിക്കൊലപ്പെടുത്തുകയായിരുന്നു.
പെൺകുട്ടിയുടെ കൊലപാതകത്തിന്‍റെ ദൃക്സാക്ഷിയായിരുന്നു മാതാവ്. എന്നാല്‍ സ്വന്തം മകളാണ് അതിക്രമത്തിന് ഇരയാകുന്നതെന്ന് തിരിച്ചറിയാന്‍ മാതാവിന് കഴിഞ്ഞിരുന്നില്ല.
പ്രതിയെ തൂക്കിക്കൊല്ലണമെന്ന് 40കാരിയായ മാതാവ് ആവശ്യപ്പെട്ടു. ഇവരുടെ മൂന്നുമക്കളില്‍ ഒരാളാണ് തിങ്കളാഴ്ച കൊല്ലപ്പെട്ടത്. മകള്‍ ആയോധന കലകള്‍ അഭ്യസിച്ചിരുന്നതായും പ്രദീപ് ശല്യപ്പെടുത്താന്‍ തുടങ്ങിയതുമുതല്‍ ശ്രദ്ധാലുവായിരുന്നുവെന്നും മാതാവ് പറഞ്ഞു.
Post Your Comments