റെ​യി​ല്‍​വേ ട്രാ​ക്കി​ല്‍ മാതാവിന്റെ ആത്മഹത്യാശ്രമം: പെൺകുട്ടികൾക്ക് അശ്ലീല സന്ദേശമയച്ചവരെ പോലീസ് പിടികൂടി

കൊ​ല്ലം: പോലീസിന്റെ അനാസ്ഥയിൽ മ​നം​നൊ​ന്ത്​ മാ​താ​വ് ആ​ത്മ​ഹ​ത്യ​ക്കൊ​രു​ങ്ങി​യ​തോ​ടെ പെൺകുട്ടികൾക്ക് അശ്ലീല സന്ദേശമയച്ച പ്രതികളെ പോലീസ് പിടികൂടി. മ​ണി​ക്കൂ​റു​ക​ള്‍​ക്ക​കമാണ് പ്ര​തി​യെ തൃ​ശൂ​രി​ല്‍​നി​ന്ന് പൊ​ലീ​സ് പൊ​ക്കിയത്. തൃ​ശൂ​ര്‍ വ​ട​ക്കാ​ഞ്ചേ​രി ഓ​ട്ടു​പാ​റ അ​നു​ഗ്ര​ഹ ഓ​ഡി​റ്റോ​റി​യ​ത്തി​ന് സ​മീ​പം ഹൈ​ബാ​സ് ബി​ല്‍​ഡി​ങ്ങി​ല്‍ സം​ഗീ​ത് കു​മാ​റി​നെ​യാ​ണ്​ (25) പൊ​ലീ​സ് പി​ടി​കൂ​ടി​യ​ത്.

Also Read:ഇത് കേരളമാണ്, വ്യാപാരികളോടുള്ള ഭീഷണി ഇവിടെ വിലപോവില്ല : മുഖ്യമന്ത്രിയ്‌ക്കെതിരെ രൂക്ഷ പ്രതികരണവുമായി വി.ഡി. സതീശന്‍

പെൺകുട്ടികൾക്ക് അശ്ലീല സന്ദേശമയച്ചെന്ന പേരിൽ ഫെ​ബ്രു​വ​രി​യി​ല്‍ ന​ല്‍​കി​യ പ​രാ​തി​യി​ല്‍ ന​ട​പ​ടി​യി​ല്ലാ​ത്ത​തി​നെ തു​ട​ര്‍​ന്നാ​ണ്​ പെ​ണ്‍​കു​ട്ടി​ക​ളു​ടെ മാ​താ​വ് വെ​ള്ളി​യാ​ഴ്ച സി​റ്റി പൊ​ലീ​സ് ക​മീ​ഷ​ണ​ര്‍ ഓ​ഫി​സി​ന്​ സ​മീ​പ​ത്തെ റെ​യി​ല്‍​വേ ട്രാ​ക്കി​ല്‍ ആ​ത്മ​ഹ​ത്യ​ക്കൊ​രു​ങ്ങി​യ​ത്. ഇതോടെയാണ് പോലീസ് നടപടിക്രമങ്ങൾ പൂർത്തിയാക്കാൻ മുന്നിട്ടിറങ്ങിയത്.

ആത്മഹത്യാ ശ്രമത്തിനിടെ കു​ഴ​ഞ്ഞു​വീ​ണ മാ​താ​വി​നെ ജി​ല്ല ആ​ശു​പ​ത്രി​യി​ലെ​ത്തി​ച്ച്‌ ചി​കി​ത്സ ന​ല്‍​കി. നി​രീ​ക്ഷ​ണ​ത്തി​നു​ശേ​ഷം വീ​ട്ടി​ലേ​ക്ക​യ​ച്ചു. ന​ട​പ​ടി​യെ​ടു​ക്കാ​മെ​ന്ന്​ പൊ​ലീ​സ്​ ഉ​റ​പ്പും ന​ല്‍​കിയിട്ടുണ്ട്.