ന്യൂഡല്‍ഹി: ഇന്ത്യന്‍ വെബ്സൈറ്റുകള് ലക്ഷ്യം വച്ച് പാകിസ്ഥാന്
ഹാക്കര്‍മാര്‍. രാജ്യത്തെ വൈദ്യുതി വിതരണവുമായി ബന്ധപ്പെട്ട ഒന്നിലേറെ സ്ഥാപനങ്ങളുടെ വെബ്സൈറ്റുകള് ഹാക്ക് ചെയ്യാനാണ് പാകിസ്ഥാന് ഹാക്കര്‍മാരുടെ ശ്രമം . അമേരിക്ക ആസ്ഥാനമാക്കി പ്രവര്‍ത്തിക്കുന്ന ലൂമന്‍ ടെക്‌നോളജീസിന്റെ സൈബര്‍ കുറ്റകൃത്യങ്ങള്‍ നിരീക്ഷിക്കുന്ന വിഭാഗമായ ബ്‌ളാക്ക് ലോട്ടസ് ലാബ് ആണ് പാകിസ്ഥാന് ഹാക്കര്‍മാരെ കണ്ടെത്തിയത്. ദൂരെ നിന്നും നിയന്ത്രിക്കാന്‍ സാധിക്കുന്ന ട്രോജന്‍ വൈറസിനെ ഹാക്കര്‍മാര്‍ ഈ സ്ഥാപനങ്ങളുടെ വെബ്‌സൈറ്റിലേക്ക് കടത്തിയിട്ടുണ്ടെന്ന് ബ്‌ളാക്ക് ലോട്ടസിന്റെ വൈസ് പ്രസിഡന്റ് മൈക്കല്‍ ബെഞ്ചമിന്‍ ഒരു ദേശീയ ചാനലിനു നല്‍കിയ അഭിമുഖത്തില്‍ പറഞ്ഞു.
Read Also : സംസ്ഥാനത്ത് വീണ്ടും സ്ത്രീധനപീഡനം: ഭാര്യയെയും കൈക്കുഞ്ഞിനെയും വീടിനു പുറത്താക്കി യുവാവ്
ട്രോജന്‍ വൈറസുകള്‍ കമ്പ്യൂട്ടറുകളില്‍ വ്യാപകമാണെങ്കിലും റാറ്റ് (റിമോട്ട് അക്‌സസ് ട്രോജന്‍) എന്ന ചുരുക്കപേരില്‍ അറിയപ്പെടുന്ന ഇത്തരം വൈറസുകള്‍ അധികം കണ്ടെത്തിയിട്ടില്ല. രാജ്യത്തിനു വെളിയില്‍ ഇരുന്നു കൊണ്ട് ഒരു കമ്പ്യൂട്ടറിനെ നിയന്ത്രിക്കുവാന്‍ ഇത്തരം വൈറസുകളിലൂടെ സാധിക്കുമെന്നത് സംഭവത്തെ ഗുരുതരമാക്കുന്നു.
പാകിസ്ഥാനില്‍ ഇരുന്ന് കൊണ്ട് ഇന്ത്യയിലെ സുരക്ഷാ സംവിധാനങ്ങള്‍ കുറഞ്ഞ വെബ്സൈറ്റുകള് ഉപയോഗിച്ചാണ് ഹാക്കര്‍മാര്‍ ട്രോജന്‍ വൈറസിനെ കമ്പനി വെബ്‌സൈറ്റുകളിലേക്ക് കടത്തിവിട്ടതെന്ന് കണ്ടെത്തിയതായി ബെഞ്ചമിന്‍ പറഞ്ഞു.
Post Your Comments