ശരീരത്തിലെ അധിക കൊഴുപ്പ് നീക്കം ചെയ്യാൻ സഹായിക്കുന്ന ഭക്ഷണങ്ങൾ!

ശരീരത്തില്‍ കൊഴുപ്പ് അടിയുന്നത് ഗുരുതര ആരോഗ്യ പ്രശ്‌നങ്ങള്‍ക്ക് വഴിവയ്ക്കുകയാണ് ചെയ്യുന്നത്. ടൈപ്പ് 2 ഡയബറ്റിസ്, ഹൃദ്രോഗങ്ങൾ എന്നിവയ്ക്ക് ഇത് കാരണമാകുന്നു. ചില ഭക്ഷണങ്ങൾക്ക് ശരീരത്തിലെ അനാവശ്യ കൊഴുപ്പ് നീക്കം ചെയ്യാനുള്ള കഴിവ് കൂടുതലാണ്. ഇപ്പോൾ ഇതാ ഏതൊക്കെയാണ് ആ ഭക്ഷണങ്ങളെന്ന് അറിയാം.

➤ കോഫി

കോഫി കുടിക്കുന്നത് അധിക കൊഴുപ്പ് നീക്കം ചെയ്യാൻ സഹായിക്കുകയാണ്. കാപ്പിയിൽ അടങ്ങിയിരിക്കുന്ന കഫീൻ നിങ്ങളുടെ ശരീരത്തിന്റെ ഉപാപചയ പ്രവർത്തനം മെച്ചപ്പെടുത്താൻ സഹായിക്കുമെന്നും കൂടുതൽ കലോറി കളയാൻ സഹായിക്കുകയും ചെയ്യുമെന്ന് ഫുഡ് സയൻസ് ആന്റ് ബയോടെക്നോളജി ജേണലിൽ പ്രസിദ്ധീകരിച്ച ഗവേഷണത്തിൽ വ്യക്തമാക്കുകയാണ്.

➤ മുട്ട

ഭാരം കുറയ്ക്കാൻ ആ​ഗ്രഹിക്കുന്നവർക്ക് ഏറ്റവും മികച്ച ഭക്ഷണമാണ് മുട്ട. പ്രഭാതഭക്ഷണത്തിൽ മുട്ട ഉൾപ്പെടുത്തുന്നത് വിശപ്പ് കുറയ്ക്കാൻ സഹായിക്കുകയും ശരീരത്തിലെ അനാവശ്യ കൊഴുപ്പ് നീക്കം ചെയ്യാൻ സഹായിക്കുകയും ചെയ്യുമെന്ന് അമേരിക്കൻ കോളേജ് ഓഫ് ന്യൂട്രീഷ്യൻ ആൻഡ് ന്യൂട്രീഷ്യണൽ റിസർച്ചിന്റെ ജേണലിൽ പ്രസിദ്ധീകരിച്ച പഠനത്തിൽ പറയുകയാണ്.

​​➤ ഗ്രീൻ ടീ

​​ഗ്രീൻ ടീയിൽ അടങ്ങിയിരിക്കുന്ന എപ്പിഗല്ലോകാടെക്കിൻ ഗാലേറ്റ് (ഇജിസിജി) എന്ന ആന്റിഓക്‌സിഡന്റാണ് കൊഴുപ്പ് കളയാൻ സഹായിക്കുന്നതെന്ന് പഠനങ്ങൾ പറയുന്നു.

➤ ആപ്പിൾ സിഡാർ വിനാഗിരി

ആപ്പിൾ സിഡാർ വിനാഗിരിയുടെ ഉപയോഗം വയർ നിറയുന്നതിനെ പ്രോത്സാഹിപ്പിച്ചേക്കാം. ഇതിൽ അടങ്ങിയിരിക്കുന്ന അസറ്റിക് ആസിഡ് ശരീരത്തിലെ കൊഴുപ്പ് കത്തുന്ന പ്രക്രിയ വർദ്ധിപ്പിക്കുകയും അതുവഴി സംഭരിച്ച കൊഴുപ്പ് കുറയ്ക്കുകയും ചെയ്യുന്നു.

Read Also:- യൂറോ കപ്പ് ഫൈനലിൽ ഇറ്റാലിയൻ ദേശീയ ഗാനത്തെ അപമാനിച്ച് ഇംഗ്ലീഷ് ആരാധകർ

➤ ഒലീവ് ഓയിൽ

ഒലീവ് ഓയിലിൽ അടങ്ങിയിരിക്കുന്ന ട്രൈഗ്ലിസറൈഡുകൾ ചീത്ത കൊളസ്ട്രോളായ എൽഡിഎൽ കൊളസ്ട്രോൾ കുറയ്ക്കുകയും എച്ച്ഡിഎൽ കൊളസ്ട്രോൾ വർദ്ധിപ്പിക്കുകയും നിങ്ങളുടെ ശരീരത്തിൽ ജിഎൽപി -1 ന്റെ ഉത്തേജിപ്പിക്കുകയും ചെയ്യുന്നു.