ഡൽഹി: സാംസങ് ഇലക്ട്രോണിക്സിന്റെ ഇന്ത്യയിലെ ഓഫീസുകളിൽ ഡയറക്ടറേറ്റ് ഓഫ് റവന്യൂ ഇന്റലിജൻസ് റെയ്ഡ്. നെറ്റ്വർക്ക് ഉപകരണങ്ങൾ ഇറക്കുമതി ചെയ്തതിൽ കസ്റ്റംസ് ഡ്യൂട്ടി വെട്ടിച്ചുവെന്ന സംശയത്തെ തുടർന്നാണ് റെയ്ഡ് നടത്തിയത്. സാംസങ് ഇലക്ട്രോണിക്സിന്റെ ഡൽഹിയിലും മുംബൈയിലുമുള്ള ഓഫീസുകളിലാണ് ഡി.ആർ.ഐ തിരച്ചിൽ നടത്തിയതെന്ന് എക്കണോമിക് ടൈംസ് റിപ്പോർട്ട് ചെയ്തു.
ഇറക്കുമതിയുമായി ബന്ധപ്പെട്ട് സാംസങ് നൽകിയ രേഖകൾ അധികൃതർ വിലയിരുത്തുകയാണെന്നാണ് ലഭ്യമായ വിവരം. കസ്റ്റംസ് തീരുവയിൽ സാംസങ് വെട്ടിപ്പ് നടത്തിയിട്ടുണ്ടോ എന്ന് പരിശോധിക്കാനായി ഡി.ആർ.ഐ അധികൃതർ നടപടികൾ സ്വീകരിക്കുമെന്നും സൂചനയുണ്ട്. അതേസമയം, വിഷയത്തെക്കുറിച്ച് പ്രതികരിക്കാൻ സാംസങ് അധികൃതർ തയ്യാറായിട്ടില്ല.
Post Your Comments