കണ്ണൂർ : ഫസല്‍ വധം തുടരന്വേഷണത്തിന് ഉത്തരവിട്ട ഹൈക്കോടതി നടപടി സ്വാഗതാര്‍ഹമാണെന്ന് ഡി.വൈ.എഫ്.ഐ സംസ്ഥാന സെക്രട്ടറി എ എ റഹീം. സമീപകാലത്തെ ഏറ്റവും വലിയ നീതി നിഷേധങ്ങളിൽ ഒന്നാണ് ഈ കേസിൽ ഉണ്ടായത്. സഖാക്കൾ കാരായി രാജനും, കാരായി ചന്ദ്രശേഖരനും ആധുനിക കാലത്ത് അപരിഷ്‌കൃതമായ ശിക്ഷയ്ക്ക് വിധേയമാക്കപ്പെട്ട രണ്ട് നിരപരാധികളാണെന്നും റഹീം പറഞ്ഞു. ഫേസ്ബുക്ക് പോസ്റ്റിലൂടെയായിരുന്നു അദ്ദേഹത്തിന്റെ പ്രതികരണം.
കുറിപ്പിന്റെ പൂർണരൂപം :
തലശ്ശേരി ഫസൽ വധം തുടരന്വഷണത്തിനു ഉത്തരവിട്ട ഹൈക്കോടതി നടപടി സ്വാഗതാർഹമാണ്.സമീപകാലത്തെ ഏറ്റവും വലിയ നീതി നിഷേധങ്ങളിൽ ഒന്നാണ് ഈ കേസിൽ നമ്മൾ കണ്ടത്. ചിത്രത്തിലുള്ളത് സഖാക്കൾ കാരായി രാജനും,കാരായി ചന്ദ്രശേഖരനും. നാടുകടത്തലിന് വിധേയമാക്കപ്പെട്ടവർ.ആധുനിക കാലത്തു അപരിഷ്‌കൃതമായ ശിക്ഷയ്ക്ക് വിധേയമാക്കപ്പെട്ട രണ്ട് നിരപരാധികൾ.
ഫസൽ എന്ന പോപ്പുലർഫ്രണ്ട്‌ പ്രവർത്തകനെ കൊന്നതാണ് കേസ്. തങ്ങളാണ് കൊലപ്പെടുത്തിയതെന്ന് പ്രതികളിൽ ഒരാൾ വെളിപ്പെടുത്തുന്നു. വെളിപ്പെടുത്തിയ ആൾ ആർഎസ്എസ് പ്രവർത്തകനായിരുന്നു. ഈ ഏറ്റുപറച്ചിൽ ഉണ്ടായിട്ടും പോപ്പുലർഫ്രണ്ട്‌ ആർഎസ്എസിനെതീരെ ശബ്ദിക്കുന്നില്ല.ന്യൂനപക്ഷ വർഗീയതയും ഭൂരിപക്ഷ വർഗീയതയും ഇടതുപക്ഷ വിരുദ്ധതയിൽ കൈകോർത്തു നിൽക്കുന്നു എന്നതാണ് ഫസൽ കേസിന്റെ സവിശേഷത.ആർഎസ്എസ്-പോപ്പുലർഫ്രണ്ട്‌ ഗൂഢാലോചന ഇതിൽ വ്യക്തമാണ്.
തുടരാന്വഷണം ഉടൻ പൂർത്തിയാകട്ടെ, നീതിന്യായ വ്യവസ്ഥയുടെതന്നെ ആത്മപരിശോധനയ്ക്കും തിരുത്തലിനും വെളിച്ചം പകരാൻ കഴിയുന്നതാകും ഈ അന്വഷണം എന്നുറപ്പാണ്.
Post Your Comments