ന്യൂഡല്‍ഹി : പ്രായപൂർത്തിയാകാത്ത വിദ്യാര്‍ഥിനികളെ ലൈംഗികമായി പീഡിപ്പിച്ച ട്യൂഷന് അധ്യാപകന്‍ അറസ്റ്റില്‍. ഡല്‍ഹി ഭാവനയിലാണ് സംഭവം നടന്നത്. പ്രതിയുടെ അനന്തരവളായ 13-കാരി ജൂലൈ ഒന്നിന് ട്യൂഷന് പോകാന്‍ വിസമ്മതിച്ചപ്പോള്‍ മാതാപിതാക്കള്‍ കാരണം അന്വേഷിച്ചു. അപ്പോഴാണ് കുട്ടി പീഡന വിവരം മാതാപിതാക്കളോട് വെളിപ്പെടുത്തിയത്. സംഭവം ആരോടും വെളിപ്പെടുത്തരുതെന്ന് പറഞ്ഞ് അയാള്‍ കുട്ടിയെ ഭീഷണിപ്പെടുത്തുകയും ചെയ്തതായി മാതാപിതാക്കള്‍ നല്‍കിയ പരാതിയില്‍ പറഞ്ഞു.
30 കാരനായ പ്രതിയുടെ വീട്ടിലെത്തിയാണ് പൊലീസ് അറസ്റ്റ് ചെയ്തത്. ദിവസം 10ത്തിലധികം കുട്ടികള്‍ക്ക് ഇയാള്‍ വീട്ടില്‍ വെച്ച്‌ ട്യൂഷന് എടുക്കുന്നതായി പൊലീസ് പറഞ്ഞു. പ്രതിക്കെതിരെ പോക്സോ പ്രകാരം കേസെടുത്തു.
Read Also : ആമസോണിന് പറ്റിയ വലിയ അബദ്ധം വൈറലായി: സാഹചര്യം മുതലെടുത്ത് ഉപഭോക്താക്കൾ
അറസ്റ്റിന് പിന്നാലെ ഒമ്പത് വയസുകാരിയായ മറ്റൊരു പെണ്‍കുട്ടിയും പരാതിയുമായി മുന്നോട്ടു വന്നു. പ്രതി മൊബൈല്‍ ഫോണില്‍ അശ്ലീല വീഡിയോ കാണിച്ച്‌ കൊടുത്താണ് ചൂഷണം ചെയ്തതെന്ന് കുട്ടി പറഞ്ഞു. സംഭവത്തില്‍ പ്രതിഷേധിച്ച്‌ പൊതുജനം ഭാവനയില്‍ റോഡ് ഉപരോധിച്ചു.
Post Your Comments