തിരുവനന്തപുരം: രാജവെമ്പാലയുടെ കടിയേറ്റ് മരിച്ച തിരുവനന്തപുരം മൃഗശാല ജീവനക്കാരന്‍ അര്‍ഷാദ് മരിച്ച സംഭവത്തില്‍ വിദ്വേഷ കമന്റ് . ഇതിനെതിരെ കോണ്‍ഗ്രസ് നേതാവ് വി.ടി. ബല്‍റാം രംഗത്ത് വന്നു. തന്റെ ഫേസ്ബുക്ക് പോസ്റ്റിലാണ് ബല്‍റാം ഇതിനെതിരെ പ്രതികരിച്ചത്. വാര്‍ത്തക്ക് താഴെ സംഘികളുടെ കമന്റ് നോക്കുക. രാജവെമ്പാലയെക്കാള്‍ വലിയ വിഷ ജന്തുക്കള്‍, ഉളുപ്പില്ലാത്ത ജന്‍മമെന്നും ബല്‍റാം ഫേസ്ബുക്കില്‍ കുറിച്ചു.
ഫേസ്ബുക്ക് പോസ്റ്റിന്റെ പൂര്‍ണരൂപം …..
തിരുവനന്തപുരത്ത് മൃഗശാല ജീവനക്കാരന്‍ അര്‍ഷാദ്, കൂടുവൃത്തിയാക്കുന്നതിനിടെ രാജവെമ്പാലയുടെ കടിയേറ്റ് മരിച്ചു. ആദരാഞ്ജലികള്‍. വാര്‍ത്തയ്ക്ക് താഴെ സംഘികളുടെ കമന്റ് നോക്കുക. രാജവെമ്പാലയെക്കാള്‍ വലിയ വിഷ ജന്തുക്കള്‍. ആര്‍എസ്എസിന്റെ തനിക്കൊണം എന്ന് പറഞ്ഞാല്‍ ഇതൊക്കെയാണ്. ഉളുപ്പില്ലാത്ത നശിച്ച വര്‍ഗം.
ഇന്ന് ഉച്ചയ്ക്ക് ഒരുമണിയോടെയാണ് കാട്ടാക്കട സ്വദേശി അര്‍ഷാദ് കൂടു വൃത്തിയാക്കുന്നതിനിടയില്‍ രാജവെമ്പാലയുടെ കടിയേറ്റ് മരിച്ചത്. കേരളത്തില്‍ ഇത് ആദ്യത്തെ സംഭവമാണ്. ബംഗളുരുവില്‍ നിന്ന് കൊണ്ടുവന്ന നാഗ, നീലു, കാര്‍ത്തിക് എന്നീ മൂന്നുരാജവെമ്പാലകളാണ് ഇപ്പോള്‍ തിരുവനന്തപുരം മൃഗശാലയിലുള്ളത്. ഒറ്റയ്ക്ക് ഒരു കൂട്ടില്‍ കഴിയുന്ന കാര്‍ത്തിക് എന്ന ആണ്‍ രാജവെമ്പാലയാണ് അര്‍ഷാദിനെ കടിച്ചത്. കടിയേറ്റ് അരമണിക്കൂര്‍ കഴിഞ്ഞാണ് മറ്റ് ജീവനക്കാരുടെ ശ്രദ്ധയില്‍പ്പെടുന്നത്.
Post Your Comments