സംസ്ഥാനത്ത് ദാരിദ്ര്യവും നിരക്ഷരതയും ഇല്ലാതാക്കാനുള്ള ഏക മാർഗം രണ്ടു കുട്ടികൾ നയമാണ് : ഹിമന്ത ബിശ്വ ശർമ്മ

ഗുവാഹത്തി : സംസ്ഥാനത്തെ മുസ്ലിങ്ങളുടെ ദാരിദ്ര്യവും നിരക്ഷരതയും ഇല്ലാതാക്കാനുള്ള ഏക മാർഗം രണ്ടു കുട്ടികൾ നയമാണെന്ന് അസം​ മുഖ്യമന്ത്രി ഹിമന്ത ബിശ്വ ശർമ. അത്തരമൊരു നയം ഉൾപ്പെടെ നല്ല കുടുംബാസൂത്രണ മാനദണ്ഡങ്ങൾ സ്വീകരിക്കുന്നതിനുള്ള തന്റെ നിർദ്ദേശത്തെ സമുദായത്തിലെ സംഘടനകൾ സ്വാഗതം ചെയ്തതായും അദ്ദേഹം പറഞ്ഞു.

‘ഓൾ അസം മൈനോറിറ്റി സ്റ്റുഡൻറ്​സ്​ യൂണിയന്റെ രണ്ട് വിഭാഗങ്ങൾ കഴിഞ്ഞ മാസം രണ്ടുതവണ എന്നെ കണ്ടു. മുസ്ലിം സമൂഹത്തിൽ നിന്ന് യാതൊരു എതിർപ്പും ഇല്ല. അവർ പരസ്യമായി രണ്ടു കുട്ടികൾ നയത്തെ സ്വാഗതം ചെയ്​തു. അസമിലെ മുസ്ലിങ്ങൾക്ക് ജനസംഖ്യാ നിയന്ത്രണ നടപടികൾ ആവശ്യമാണ്. ജൂലൈ നാലിന്​ 150 മുസ്ലിം പണ്ഡിതൻമാരുമായി കൂടിക്കാഴ്​ച നിശ്ചയിച്ചിട്ടുണ്ട്. സംസ്ഥാന സർക്കാരിന്റെ
നയങ്ങളെ അവർ പിന്തുണക്കുമെന്ന് എനിക്ക് ഉറപ്പുണ്ട്. കാരണം അസമിലെ മുസ്ലീം ന്യൂനപക്ഷങ്ങളിൽ നിന്ന് ദാരിദ്ര്യവും നിരക്ഷരതയും ഇല്ലാതാക്കാനുള്ള ഒരേയൊരു മാർഗ്ഗമാണിത്’- ഹിമന്ത പറഞ്ഞു.

Read Also  :  തന്റെ പേര് ദുരുപയോഗം ചെയ്തു: സന്ദീപ് വാര്യർക്കെതിരെ കേസിനൊരുങ്ങി അർജുൻ ആയങ്കിയുടെ വക്കീൽ റമീസ്

പട്ടി​ണി ഇ​ല്ലാ​താ​ക്കാ​ൻ സം​സ്ഥാ​ന​ത്തെ മുസ്ലിം ന്യൂ​ന​പ​ക്ഷം ജ​ന​സം​ഖ്യ നി​യ​ന്ത്ര​ണ​ത്തി​നു​ള്ള ‘മാ​ന്യ​മാ​യ കു​ടും​ബാ​സൂ​ത്ര​ണ ന​യം’ സ്വീ​ക​രി​ക്ക​ണ​മെ​ന്ന്​ ഹി​മന്ത നേരത്തെയും ആവശ്യപ്പെട്ടിരുന്നു. ജ​ന​സം​ഖ്യ നി​യ​ന്ത്ര​ണ​ത്തി​ന്​ മുസ്ലിം സ​മു​ദാ​യ​വു​മാ​യി ചേ​ർ​ന്ന്​ പ്ര​വ​ർ​ത്തി​ക്കാ​ൻ ഞ​ങ്ങ​ളാ​ഗ്ര​ഹി​ക്കു​ന്നു. പ​ട്ടി​ണി, ഭൂ​മി കൈ​യേ​റ്റം ഉ​ൾ​പ്പെ​ടെ​യു​ള്ള​വ​യു​ടെ അ​ടി​സ്ഥാ​ന കാ​ര​ണം അ​നി​യ​ന്ത്രി​ത​മാ​യ ജ​ന​സം​ഖ്യ വ​ർ​ധ​ന​യാ​ണ്. മുസ്ലിം സ​മു​ദാ​യം മാ​ന്യ​മാ​യ കു​ടും​ബാ​സൂ​ത്ര​ണ ന​യം സ്വീ​ക​രി​ക്കാ​ൻ തയ്യറായാൽ അ​സ​മി​ലെ ഒ​​ട്ടേ​റെ സാ​മൂ​ഹി​ക പ്ര​ശ്​​ന​ങ്ങ​ൾ അ​വ​സാ​നി​പ്പി​ക്കാ​ൻ ക​ഴി​യുമെന്നും അദ്ദേഹം പറഞ്ഞു.