ന്യൂഡൽഹി : പ്രതിമാസ റേഡിയോ പ്രോഗ്രാമായ മാന്‍ കി ബാത്ത് വഴി രാജ്യത്തെ അഭിസംബോധന ചെയ്ത് സംസാരിക്കുകയായിരുന്നു പ്രധാനമന്ത്രി നരേന്ദ്ര മോദി.
കൊറോണയ്‌ക്കെതിരെ ഇന്ത്യ മുഴുവന്‍ ശക്തമായി പോരാടുകയാണെന്നും കഴിഞ്ഞ 100 വര്‍ഷത്തിനിടയിലെ ഏറ്റവും വലിയ പകര്‍ച്ചവ്യാധിയാണിതെന്നും നരേന്ദ്ര മോദി പറഞ്ഞു. വാക്സിനേഷനുമായി ബന്ധപ്പെട്ട് ചിലര്‍ തെറ്റായ കാര്യങ്ങള്‍ പ്രചരിപ്പിക്കുന്നു. ആരും ഇത്തരം പ്രചരണങ്ങളില്‍ വിശ്വസിക്കരുതെന്നും അദ്ദേഹം പറഞ്ഞു.
രാജ്യത്തിന്‍റെ വിവിധ ഭാഗങ്ങളില്‍ നിന്നുള്ള ഗ്രാമീണരുമായിട്ടാണ് പ്രധാനമന്ത്രി ഇന്നത്തെ മാന്‍ കി ബാത്തില്‍ സംവദിച്ചുകൊണ്ടിരിക്കുന്നത്. താന്‍ രണ്ട് ഡോസ് വാക്സിന്‍ എടുത്ത് കഴിഞ്ഞു. തന്‍റെ അമ്മയും വാക്സിനേഷന്‍ നടപടി പൂര്‍ത്തികരിച്ച്‌ കഴിഞ്ഞെന്നും പ്രധാനമന്ത്രി പറഞ്ഞു.
കൊറോണയ്‌ക്കെതിരായ യുദ്ധത്തില്‍ ഇന്ത്യ തീര്‍ച്ചയായും വിജയിക്കും. കൊറോണയ്‌ക്കെതിരായ പോരാട്ടത്തില്‍ മുന്‍‌നിര പ്രവര്‍ത്തകര്‍ ശ്രദ്ധേയമായ പങ്കുവഹിച്ചിട്ടുണ്ടെന്നും അദ്ദേഹം പറഞ്ഞു.
Post Your Comments