താനെ: ഉല്ലാസ്നഗറിലെ മുത്തൂറ്റ് ഫിനാൻസ് ശാഖയിൽ കവർച്ച നടത്താൻ ശ്രമിച്ച ഏഴ് പേരെ പോലീസ് അറസ്റ്റ് ചെയ്തു. ഉത്തർപ്രദേശ് സ്വദേശികളായ രണ്ട് പേരും നാല് ജാർഖണ്ഡ് സ്വദേശികളും ഒരു നേപ്പാൾ സ്വദേശിയെയുമാണ് പോലീസിന്റെ പിടിയിലായത്. ഞായറാഴ്‌ച പുലർച്ചെ കവർച്ച ശ്രമത്തിനിടെയാണ് ഇവർ പോലീസിന്റെ കയ്യിൽ അകപ്പെട്ടത്.
സ്ഥാപനത്തിന്റെ ഉല്ലാസ്നഗറിലെ ശാഖയിൽ ചുമർ തുരന്നുകയറി കവർച്ച നടത്താനായിരുന്നു സംഘത്തിന്റെ പദ്ധതി. ഇതിനായി ഡ്രില്ലിങ് മെഷീൻ ഉപയോഗിച്ച് ചുമർ തുരക്കുന്നതിനിടെയാണ് സംഘം പോലീസിന്റെ പിടിയിലായത്.
പ്രതികളെല്ലാം ഉല്ലാസ്നഗറിൽ തന്നെയാണ് താമസിച്ചുവന്നിരുന്നതെന്നും ഇവർ ഇതിന് മുമ്പും കവർച്ചകൾ നടത്തിയതായി സംശയിക്കുന്നുണ്ടെന്നും പോലീസ് പറഞ്ഞു. സംഭവവുമായി ബന്ധപ്പെട്ട് വിശദമായ അന്വേഷണം നടത്തിവരികയാണെന്നും പോലീസ് അറിയിച്ചു.
Post Your Comments