മസ്കത്ത്: ആഗോളതലത്തിൽ ജീവിതച്ചെലവ് കുറഞ്ഞ മൂന്ന് ജി.സി.സി നഗരങ്ങളില്‍ മസ്കത്തും. ജീവിതച്ചെലവ് അടിസ്ഥാനമാക്കിയുള്ള മെര്‍സറി‍െന്‍റ കോസ്റ്റ് ഓഫ് ലിവിങ് സിറ്റി റാങ്കിങ്ങിലാണ് മസ്കത്ത് സ്ഥാനം പിടിച്ചത്. ഗള്‍ഫ് മേഖലയില്‍ നിന്ന് കുവൈത്ത് സിറ്റിയും ദോഹയുമാണ് മസ്കത്തിന് മുന്നിലായി ഉള്ളത്. ആഗോളതല പട്ടികയില്‍ 209 നഗരങ്ങളെയാണ് ഉള്‍പ്പെടുത്തിയിട്ടുള്ളത്. ഇതില്‍ കുവൈത്ത് സിറ്റി 115-ാമത് ആണ്.
മസ്കത്തിന് ആഗോള പട്ടികയില്‍ 108-ാം സ്ഥാനമാണുള്ളത്. കോവിഡ് പശ്ചാത്തലത്തില്‍ സൗദി അറേബ്യ ഒഴിച്ച്‌ പ്രധാന ജി.സി.സി നഗരങ്ങളിലെല്ലാം ജീവിത ച്ചെലവ് കുറഞ്ഞതായി സൂചികയില്‍ പറയുന്നു. റിയാദാണ് ജി.സി.സിയിലെ ചെലവേറിയ നഗരം. ദുബായ്, അബുദാബി, മനാമ എന്നിവയാണ് കൂടിയ ജീവിതച്ചെലവില്‍ മേഖലയില്‍ അടുത്ത സ്ഥാനങ്ങളില്‍. ലോകത്തില്‍ ജീവിതച്ചെലവേറിയ നഗരങ്ങള്‍ തുര്‍ക്ക്മെനിസ്താന്‍ തലസ്ഥാനമായ അഷ്ഗബാത്തും ഹോങ്കോങും ബെയ്റൂത്തുമാണ്.
Post Your Comments