‘ഇവിടെ സ്ത്രീധനമില്ല, സ്ത്രീധന മരണവുമില്ല, ഇത് നവോത്ഥാന കേരളമാണ്’: വിസ്മയയുടെ മരണത്തിൽ പ്രതികരിച്ച് പി ​ഗീത

തിരുവനന്തപുരം: കൊല്ലം ശാസ്താംകോട്ടയിൽ സ്ത്രീധന പീഡനത്തെത്തുടർന്ന് ഭർതൃ​ഗൃഹത്തിൽ മരിച്ച നിലയിൽ വിസ്മയ എന്ന യുവതിയെ കണ്ടെത്തിയ സംഭവത്തിൽ പ്രതികരണവുമായി പ്രശസ്ത എഴുത്തുകാരിയും സാമൂഹിക പ്രവർത്തകയുമായ പി. ​ഗീത രംഗത്ത്. കേരളം വനിതാ സൗഹൃദ സംസ്ഥാനമാണെന്നും ഇവിടെ സ്ത്രീധനവും സ്ത്രീധന മരണവുമില്ലെന്നും പി. ​ഗീത തന്റെ ഫേസ്ബുക്ക് പോസ്റ്റിൽ പരിഹസിച്ചു. ഇത് നവോത്ഥാന കേരളമാണെന്നും പെൺകുട്ടികൾ കടലിനു മീതെ
പാറിപ്പറക്കുന്ന നാടാണു കേരളമെന്നും അവർ പറഞ്ഞു.

പി. ​ഗീതയുടെ ഫേസ്ബുക്ക് പോസ്റ്റിന്റെ പൂർണ്ണരൂപം.

കേരളം വനിതാ സൗഹൃദ സംസ്ഥാനമാണ്. ഇവിടെ വനിതാ മതിലുണ്ടായില്ലേ? എന്നിട്ട് എന്തൊക്കെ നുണകളാണ് കേരളത്തെപ്പറ്റി പറഞ്ഞു നടക്കുന്നത്. ഇവിടെ സ്ത്രീധനമുണ്ടത്രെ! മാധ്യമസൃഷ്ടിയാണെന്നേ.. ഇവിടെ സ്ത്രീധനമില്ല. സ്ത്രീധന മരണവുമില്ല. ഇതു കേരളമാണ്! നവോത്ഥാന കേരളം!! ദാ കണ്ടില്ലേ പെൺകുട്ടികൾ കടലിനു മീതെ പാറിപ്പറക്കുന്ന നാടാണു കേരളം!