രോഗപ്രതിരോധശേഷിയ്ക്ക് ലെമണ്‍ ടീ

രോഗപ്രതിരോധശേഷി വര്‍ദ്ധിപ്പിക്കാന്‍ മികച്ചതാണ് ലെമണ്‍ ടീ. രുചികരമായതിനു പുറമേ, ആരോഗ്യത്തിന് ഊര്‍ജ്ജം പകരുന്ന പോഷകങ്ങളും ഇതില്‍ അടങ്ങിയിട്ടുണ്ട്.

➢ വിറ്റാമിന്‍ സി അടങ്ങിയിരിക്കുന്ന ലെമണ്‍ ടീ ഒരു ആന്റിഓക്സിഡന്റായി പ്രവര്‍ത്തിക്കുകയും കോശങ്ങളെ കേടുപാടുകളില്‍ നിന്ന് സംരക്ഷിക്കുകയും ചെയ്യുന്നു.

➢ ശരീരത്തിലെ ചീത്ത കൊളസ്ട്രോളിന്റെ അളവ് കുറച്ച് നല്ല കൊളസ്‌ട്രോള്‍ കൂട്ടാനും സഹായിക്കുന്നു. പല്ലിന്റെ ആരോഗ്യത്തിനും മുറിവുകള്‍ ഭേദമാകാനും ലെമണ്‍ ടീ വളരെ നല്ലതാണ്.

ഇനി ഈ ലെമണ്‍ ടീ എങ്ങനെയാണ് തയ്യാറാക്കുന്നതെന്ന് നോക്കാം

ചായപ്പൊടി 1 ടീസ്പൂണ്‍
നാരങ്ങാ നീര് 1 ടീസ്പൂണ്‍
പുതിനയില 5 എണ്ണം
ഇഞ്ചി ചതച്ചത് 1 കഷ്ണം
പഞ്ചസാര അല്ലെങ്കില്‍ തേന്‍ 1 ടീസ്പൂണ്‍

Read Als0:- കോപ അമേരിക്കയിൽ പ്രീക്വാർട്ടർ ഉറപ്പിക്കാൻ അർജന്റീന: ചിലിയും ഉറുഗ്വേയും നേർക്കുനേർ

തയ്യാറാക്കുന്ന വിധം

ആദ്യം ഒരു കപ്പ് വെള്ളം തിളപ്പിക്കുക. ശേഷം ഇതിലേക്ക് ചായപ്പൊടിയും പുതിനയിലയും ഇഞ്ചി ചതച്ചതും ചേര്‍ക്കുക. തിളച്ച് കഴിഞ്ഞാല്‍ ഇത് അരിച്ചെടുത്ത് നാരങ്ങാ നീരും പഞ്ചസാര അല്ലെങ്കില്‍ തേന്‍ ചേര്‍ത്ത് ചൂടോടെ കുടിക്കുക.