പാർട്ടിയിലെ നേതൃത്വ പ്രശ്‌നങ്ങൾ ഉടൻ പരിഹരിച്ച് ബി.ജെ.പിക്കെതിരായ പോരാട്ടം ശക്തമാക്കണം: മുതിർന്ന കോൺഗ്രസ് നേതാവ്

ന്യൂഡൽഹി : കോൺഗ്രസ് പാർട്ടിയിലെ നേതൃത്വ പ്രശ്‌നങ്ങൾ ഉടൻ പരിഹരിക്കണമെന്ന് മുതിർന്ന കോൺഗ്രസ് നേതാവ് ജയറാം രമേശ്. അടുത്തൊരു പൊതുതെരഞ്ഞെടുപ്പിനു മുൻപായി എല്ലാവരും ഒത്തുചേർന്ന് ബി.ജെ.പിക്കെതിരായ പോരാട്ടം ശക്തമാക്കേണ്ടതുണ്ടെന്നും ജയറാം രമേശ് പറഞ്ഞു.

ഒരു വഴിക്കല്ലെങ്കിൽ മറ്റേതെങ്കിലും വഴിക്ക് പാർട്ടി നേതൃത്വത്തിലെ പ്രശ്‌നങ്ങൾ പരിഹരിക്കേണ്ടതുണ്ട്. ഇനിയും ദീർഘകാലം ഇതു വച്ചുകൊണ്ടുപോകാൻ പറ്റില്ല. 2014-ൽ ഞങ്ങൾ പരിതാപകരമായ നിലയിൽ പരാജയപ്പെട്ടു. 2019-ൽ അതിലേറെ ദയനീയമായ നിലയിലും പരാജയപ്പെട്ടു. പാർട്ടിക്കകത്ത് അച്ചടക്കം സൃഷ്ടിക്കേണ്ടതുണ്ട്. അഥവാ, സംഘടനയെയും നേതൃത്വത്തെയും ജനങ്ങളുമായുള്ള ആശയവിനിമയ മാർഗങ്ങളെല്ലാം ഒരു ക്രമത്തിലേക്ക് കൊണ്ടുവരേണ്ടതുണ്ടെന്നും അദ്ദേഹം പറഞ്ഞു.

Read Also  :  ചാനൽ പരിപാടികൾക്ക് പൂട്ട് വീഴുമോ ? ടിവി ചാനലുകളിലെ പരിപാടികള്‍ നിയന്ത്രിക്കാന്‍ ശക്തമായ നടപടിയുമായി കേന്ദ്രം

ഒരു നേതാവിന്റെ കൈയിലും മാന്ത്രികവടിയില്ല. അതുകൊണ്ട് കൂട്ടായ പരിശ്രമമാണ് വേണ്ടതെന്നും ജയറാം രമേശ് സൂചിപ്പിച്ചു.