മാനന്തവാടി; കർണാടക അതിർത്തിയായ ബാവലിയിലും കാട്ടിക്കുളത്തും എക്സൈസ് എൻഫോഴ്‌സ്‌മെന്റ് ആൻഡ് ആന്റി നർകോട്ടിക് സ്‌പെഷൽ സ്‌ക്വാഡ് നടത്തിയ പരിശോധനയിൽ കർണാടക മദ്യവുമായി റിട്ട. അധ്യാപികയും യുവാവും പിടിയിൽ. മുൻ അധ്യാപിക ചെന്നലായി മാവുങ്കൽ വീട്ടിൽ ഇ.എം. റീത്ത (62 ) ചോയിമൂല ആലഞ്ചേരി ആസിഫ് പാഷ (33) എന്നിവരാണ് അറസ്റ്റിൽ ആയിരിക്കുന്നത്.
മാനന്തവാടി കോടതിയിൽ ഹാജരാക്കിയ ഇവരെ റിമാൻഡ് ചെയ്തു. വിൽപനയ്ക്കായി 95 പായ്ക്കറ്റുകളിലായി കൊണ്ടുവന്ന 8.55 ലീറ്റർ മദ്യവും ഇവർ സഞ്ചരിച്ച കാറും കസ്റ്റഡിയിലെടുത്തു. സിവിൽ എക്സൈസ് ഓഫിസർമാരായ സി.ഡി. സാബു, എം.സി. സനൂപ്, സിവിൽ എക്സൈസ് ഓഫിസറായ എം.ജെ. ജലജ എന്നിവരടങ്ങുന്ന സംഘമാണ് പരിശോധന നടത്തിയത്.
Post Your Comments