സംസ്ഥാനത്ത് ഇന്ധനവിലയിൽ വീണ്ടും വർദ്ധനവ് ; ഇന്നത്തെ നിരക്കുകൾ അറിയാം

തിരുവനന്തപുരം: സംസ്ഥാനത്ത് ഇന്ധനവിലയിൽ വീണ്ടും വർദ്ധനവ്. ഇന്ന് പെട്രോളിനും ഡീസലിനും ലിറ്ററിന് 28 പൈസ വീതമാണ് കൂടിയത്. പുതുക്കിയ വില നിലവിൽ വന്നതോടെ തിരുവനന്തപുരത്ത് പെട്രോളിന് 97.29 രൂ​പയും ഡീ​സ​ലി​ന് 92.62 രൂ​പ​യു​മാ​യി. കൊ​ച്ചി​യി​ല്‍ പെ​ട്രോ​ള്‍ ലി​റ്റ​റി​ന് 95.41 രൂ​പ​യും ഡീ​സ​ലി​ന് 90.85 രൂ​പ​യു​മാ​ണ് വി​ല. തിരുവനന്തപുരത്ത് പ്രീമിയം പെട്രോളിന്റെ വില 100 രൂപ കടന്നു.

Read Also : തത്സമയ ഫോണ്‍ ഇന്‍ പരിപാടിയിൽ പരാതി : 24 മണിക്കൂറിനകം പരാതി തീർപ്പാക്കി പൊതുമരാമത്ത് മന്ത്രി  

ഈ മാസം ഇത് നാലാം തവണയും കഴിഞ്ഞ 37 ദിവസത്തിനുള്ളിൽ ഇരുപത്തിയൊന്നാം തവണയുമാണ് ഇന്ധനവില കൂടുന്നത്. ഇ​ന്ധ​ന വി​ല ഈ ​വ​ര്‍​ഷം മാ​ത്രം 44 ത​വ​ണയാണ് കൂ​ട്ടിയത്. രാജ്യത്തെ 135 ജില്ലകളില്‍ പെട്രോള്‍ വില ലിറ്ററിന് 100 കടന്നു. രാജസ്ഥാനിലാണ് ആദ്യമായി പെട്രോൾ വില 100 കടന്നത്

അതേസമയം, കഴിഞ്ഞ ഒരു വർഷത്തിനിടയിൽ 44 തവണ ഇന്ധന വില വർധിപ്പിച്ചപ്പോൾ വില കുറച്ചത് വെറും നാല് തവണ മാത്രമാണ്.