റിയാദ്: സൗദി അറേബ്യയില്‍ ജോലി ചെയ്തിരുന്ന പ്രവാസി മലയാളി ഹൃദയാഘാതത്തെ തുടര്‍ന്ന് മരിച്ചു. കൊല്ലം പത്തനാപുരം പട്ടാഴി സ്വദേശി ബിജു ജോര്‍ജ്ജ് (54) ആണ് മരിച്ചിരിക്കുന്നത്. റിയാദ് എക്സിറ്റ് 30 തുവൈക്കില്‍ സൂപ്പര്‍ മാര്‍ക്കറ്റ് ജീവനക്കാരനായിരുന്നു ഇദ്ദേഹം.
പിതാവ് – പരേതനായ ജോര്‍ജ്, മാതാവ് – തങ്കമ്മ, ഭാര്യ – മിനി ബിജു, മകന്‍ – അഖില്‍ ബിജു. നിയമനടപടികള്‍ പൂര്‍ത്തിയാക്കിയ ശേഷം മൃതദേഹം നാട്ടിലെത്തിച്ച് സംസ്‍കരിക്കുന്നതാണ്. നടപടികള്‍ പൂര്‍ത്തിയാക്കാന്‍ കെഎംസിസി വെല്‍ഫെയര്‍ വിങ് ചെയര്‍മാന്‍ സിദ്ദീഖ് തുവ്വൂര്‍, കൊല്ലം ജില്ലാ ജനറല്‍ സെക്രട്ടറി ഫിറോസ് ഖാന്‍ കൊട്ടിയം എന്നിവര്‍ രംഗത്തുണ്ട്.
Post Your Comments