മനാമ: ഫേസ് മാസ്‌കില്‍ ഒളിപ്പിച്ച് ബഹ്റൈനിലേക്ക് കഞ്ചാവ് കടത്താന്‍ ശ്രമിച്ചതായി ഇകണ്ടെത്തിയിരിക്കുന്നു. ഇതുമായി ബന്ധപ്പെട്ട് നാല് ഏഷ്യക്കാരെ ബഹ്‌റൈനില്‍ അറസ്റ്റ് ചെയ്തിരിക്കുന്നു. കസ്റ്റംസിന്റെ പിടിയിലാകാതിരിക്കാന്‍ പ്രതികള്‍ മാസ്‌കിനുള്ളില്‍ വിദഗ്ധമായി കഞ്ചാവ് ഒളിപ്പിച്ചാണ് ബഹ്റൈനിലേക്ക് അയച്ചിരിക്കുന്നത്. പാക്കേജ് കൈപ്പറ്റാനെത്തിയപ്പോഴാണ് പ്രതികളെ പോലീസ് അറസ്റ്റ് ചെയ്തത്.
അറസ്റ്റിലായ നാലുപേരെയും പബ്ലിക് പ്രോസിക്യൂഷന്‍ ചോദ്യം ചെയ്തു. ആദ്യ രണ്ട് പ്രതികള്‍ക്ക് രാജ്യത്തേക്ക് മയക്കമരുന്ന് എത്തിക്കാനും മറ്റ് രണ്ടുപേര്‍ക്ക് ഇത് വിതരണം ചെയ്യാനുമായിരുന്നു ചുമതല നൽകിയത്. ലഹരിമരുന്ന് കള്ളക്കടത്ത്, ലഹരിമരുന്ന് വില്‍പ്പന എന്നീ കുറ്റങ്ങള്‍ പ്രതികള്‍ക്കെതിരെ ചുമത്തിയിട്ടുണ്ട്. ഇവരെ ഹൈ ക്രിമിനല്‍ കോടതിയില്‍ വിചാരണ ചെയ്തു.
Post Your Comments