യൂറോ കപ്പിനായുള്ള 26 അംഗ സ്‌ക്വാഡിനെ പ്രഖ്യാപിച്ച് ഹോളണ്ട് ഫുട്ബോൾ ഫെഡറേഷൻ. കഴിഞ്ഞ ആഴ്ച പ്രഖ്യാപിച്ച താൽക്കാലിക സ്‌ക്വാഡിൽ നിന്ന് എട്ടു പേരെ ഒഴിവാക്കിയാണ് ടീമിനെ പ്രഖ്യാപിച്ചിരിക്കുന്നത്. ആസ്റ്റൺ വില്ല സ്‌ട്രൈക്കർ എൽ ഗാസി, ടോട്ടൻഹാം താരം ബെർഗ്വൈൻ എന്നിവരാണ് ഒഴിവാക്കപ്പെട്ടവരിൽ പ്രമുഖർ. ലിവർപൂൾ താരം വൈനാൾഡം ആകും ഹോളണ്ടിനെ യൂറോ കപ്പിൽ നയിക്കുക. ഹോളണ്ടിന്റെ ക്യാപ്റ്റൻ വാൻ ഡൈക് പരിക്ക് കാരണം യൂറോ കപ്പിൽ നിന്ന് പിന്മാറിയിരുന്നു.
ഫ്രാങ്ക് ഡി ബോറിന്റെ കീഴിലാണ് ഹോളണ്ട് യൂറോ കപ്പിനായി തയ്യാറെടുക്കുന്നത്. അയാക്സിന്റെ ഡാലെ ബ്ലിൻസ്, ക്ലാസൻ തുടങ്ങിയ പരിചയസമ്പത്തുള്ള ഒരുപാട് താരങ്ങൾ ടീമിൽ ഇടം നേടിയിട്ടുണ്ട്. മാഞ്ചസ്റ്റർ യുണൈറ്റഡ് താരം വാൻ ബീക്, സെവിയ്യയുടെ ലൂക് ഡി യോങ്, ബാഴ്‌സലോണയുടെ ഡി യോങ്, യുവന്റസിന്റെ ഡി ലിറ്റ്, മാഞ്ചസ്റ്റർ സിറ്റിയുടെ നഥാൻ എകെ എന്നീ താരങ്ങളും സ്‌ക്വാഡിലുണ്ട്.
Post Your Comments